~{وشـ تقـــــول للي فــي بآلــــكـ .....}~

[عاشق الأحساس]

عيشي حياتي لو حياتي تثيرك
و ازرق سمانا ما يسده سماكم


يا دلعنة كل الصبايا عبيرك
غطى على ريح العباير شذاكم


تفاولي قلبي و شوفي مصيرك
في وسط قلبي حيث قلبي دعاكم


هاك المشاعر لو حسبتي مسيرك
في طول جرهد روحنا ما كفاكم


البحر شفته و الوعد في غزيرك
ناوي اجي له لو مماتي مداكم


اسمي رباعي و اعتبرني اسيرك
واحد خلقه الله يدور دواكم


شرياني التاجي تعين سفيرك
مندوبك السامي و لا به سواكم


اميرتي انتِ و ناصر اميرك
و احساسي النامي ترى ما خفاكم


اتعبني الموقف عساني اديرك
من جوفي لجوفي و ظلعي حِماكم


انا فقط عاشق و شوفي ضميرك
ناوي على قربه و قلبي لفاكم


تربعي وسط الحشى لا يضيرك
ما حدٍ وصل قدرك و لا في غلاكم


انتِ نواة الحب ماحدٍ خشيرك
عيشي على كيفك تراني فداكم


يا الناعم اللين يا بخته حريرك
اللي طوى جسمك و لينه طواكم


النسمه الحلوه تبات بسريرك
ذرة نسايمنا ملكها هواكم


سيفك قطع قلبي و داره جفيرك
عينك سهم صايب و حده وراكم


الحب حاجه لو عرفها وزيرك
قدم تقاعد لو يفارق ذراكم


انتِ صغيرك ما نشد عن كبيرك
مشغول في همه و يطلب رضاكم


حتى كبيرك ما قوى في صغيرك
يبغى يجي لك مير رده جفاكم


انتِ بحر هايج و همي هديرك
و شلون اصمه من مسامع عِداكم


روفي على قلبي و شوفي جويرك
اللي زبن دارك بعد ما نخاكم


المشكله ما هي علاقه و اثيرك
المشكله باللي شبكني معاكم