يبات الليل في حضن الحروف اللي تعنيني
وانا ابات العمركله بحضنك يااطهر اشيائي
حبيبي والدروب اللي عن سنينك توديني
وصفها شعري المجنون حتى ماتت املائي
قهر لامرني صوتك وانا احسك تناديني
ولااقدر التفت يمك وتبكي صوتك اصدائي
الم واللي خلق آدم وحوا ساكن(ن) فيني
عجزت اقاومه والله وعجزوا عنه اطبائي
حياتي جرح بغيابك ولايمكن تنسيني
هواك اللي ملك قلبي وانا عايش على اشلائي
حبيبي لو تفارقنا ولو ماشافتك عيني
ابد ماانساك والشيطان مايقدر على اغوائي
لانك انت من حبه عن همومي يسليني
لانك ساكن بقلبي وفي روحي وفـ أعضائي
لانك آآآه ياانك ورب الكون تغنيني
عن الدنيا عن العالم وعن من همه ارضائي
احبك لو يطول العمر لو يقصر تلاقيني
احبك زود يافرحي وياطبي ويادائي
حبيب لايهمك شي دام الله معطيني
عمر بقضيه في حبك واحبك واقهر اعدائي
ولجلك انت وسنينك ولجل الشوق وسنيني
ابهجر عالم الحساد واسكن عالم(ن) نائي
اببعد عن وجيه الناس يكفيني ويكفيني
بانك اول وآخر يااغلى الناس احبائي
العرض الشجري
