بسم الله الواحد مشينا على اعمان
نبي نشوف اللي انحرمنا نشوفه
ننصى ديار بالحلا مالها اوزان
ديار ماهي عند اهلنا امعروفه
نمشي ولنا ممشى بتوقيت وميزان
بحسابنا يومين ولله شوفه
لاحد عجل فينا ولا احد بزعلان
ولااحد بنا عيت عليهم اظروفه
قدام ننطح ذا المسافات شجعان
وآمالنا بالله وحده امعكوفه
وعقبه مبيت بيوم اصبحنا ركبان
وساعي السلامه في صلاله اظروفه
تفتح قبل يقفل من الله شهيدان
اعمالنا في يوم نرقب اصدوفه
وجينا وشفنا كل شي له الوان
ونبت خضر منه الثمار امقطوفه
نمشي على روضه بها تين ورمان
ومن كل شي شكل نجهل وصوفه
ديار خير وطير وديار وديان
وديار شفت ابها الجبال امصفوفه
على قممها تلبس السحب تيجان
وابدانها من المراعي امحفوفه
مرعى لابل ولخيل فيها وللضان
ومرعى بصر وقلوب جتها شغوفه
جنات ما اظن ادخلت يد انسان
فيها ولا عبثت بشي املقوفه
فيها تشوف اللي انقسم بين الاوطان
يالله عسى بعض البلاد امخلوفه
واخص ديره يا عسى المزن هتان
فيها ويبطي في سماها وقوفه
يسبح مع صوت الرعد قبل الاذهان
اليا زجره امر الملك هل خوفه
يرى لما اللي واقع منه دخان
لا من ضرب فالارض يبني جروفه
يمطر بقاع مزها الحر ما هان
يروي حفر ها قبل يرقى احقوفه
يجري مسيل السيل فيها للاعيان
وتفيض عين من مسيله امغروفه
وأذا ارتفع ماها يجي دور الابدان
تسبح وتشبع كل نفس امشحوفه
يآتي العيون اللي بها العيب ما بان
فيها رجال بالشجاعه امعسوفه
ماهي تعرف الخوف تقبل بالاذقان
وألحى مقابلهم تراها امنتوفه
في بيوت اهلها ذكر خير وايمان
منها الفتى ينشا وتربت اكفوفه
على حقوق الجار قامو بالاتيان
في وقت صارت بالجوار امحذوفه
يالله من رحمتك تعطي بالاحسان
ديار ودها من جلالك امروفه
هذي ليال اربع لنا دون نقصان
وكلن خوي يشيل حمله اكتوفه
وانا وان شفتو علي شين يا اخوان
قبل الحدود اتعلموني احروفه
وصلو على المبعوث للانس والجان
مقدار لولو صار في قاع جوفه
يا بو سعد اسمع خطابي وداعيه
وابيك تدري من قصيدي مرادي
مثلك كفو لا شك يوم اني ادعيه
لا تحسب انك يا فتى الجود عادي
اللي احسبه باللقا دوم آتيه
واللي بغيت اقول علمه وكادي
يا بو سعد لي شف في شي وابغيه
كانه خفاك اظن لونه رمادي
ماهوب من كسبي ولاني بشاريه
وابغاه لي عجل علي يا سنادي
مبطي وانا اتحرى واذا جيب طاريه
اسج واهوجس وافكر وانادي
من شاف لي جيب لي ايام ابكيه
العى عليه الحال رايح وغادي
كني به يقول الولد هذا انا ابيه
وكني به احسه شرى بي ودادي
وكني بي اذكر اني قد جيت راعيه
وعلمته انه خاطري به يفادي
وجاك الخبر والامر تدري دواعيه
يوم ان غيرك بعضهم في رقادي
خابر وانا عندي من العلم خافيه
بعض الامور تحلها في جهادي
خابر وانا دربك مظني مساعيه
على طريق نهجه الخير بادي
وخابر لو ان خبري قديمه هقاويه
كف على لطم الردى لك شدادي
وخابر كذا من جاك لا بد تعطيه
مشهاة نفسه وانت راضي وهادي
لا اسرت هواجيسي مع الليل الاحيه
واطرق على ذوقي بيوت جدادي
بيوت من نظم الفكر مابها تيه
يطرب لها اللي للجزاله ينادي
اخذت من قافي جزالة معانية
وعرفت من شعري حقيقة مرادي
العرض العادي
