سامحيني لو على قلبج قسيت
وافهمي للي بقوله واسمعي
سامحيني.. لن عمري مابكيت
بس من بعدج تساقط مدمعي
سامحيني..سامحيني..ماقويت
ااكتم اهمومي .. واكابر موجعي
لن من بُعدج على القلب..انعميت
كنني..طلّعت عيني بصبعي
صدقيني من فرقتج ماسليت
صرت ماْعرف وين تايه موقعي
تدري اني دون حبّج..شبه ميت
واني اتمنى فبعدج مصرعي
بس اذا شفتج .. احس اني حييت
واستوي شروا (( مخًدّر موضعي ))
ياغذاء الروح .. انا هالحين جيت
عانقي كفـّي بكفـّج .. وارجعي
واسقي اعروقي ليا مني ضميت
لملميني .. بعثريني .. واجمعي
واستحلّي كل شي فيني .. وليت
تشبعيني.. بس لا ماتشبعي
لجل ابا اغرق في بًحرج اللي هويت
ولجل ماْ تملين والا تقنعي
لن من دنياي .. والله مابغيت
غير تبقي دوم ياعمري معي
العرض العادي
