.....................
وفي مكــآن ثـآني من جدهـ ..
أمجـد جـآلس على وحدهـ من طـآولااات المطعم المنتشره بكثرهـ في أرجـآئهـ ..
يطقطق بأصاابعهـ ع الطاوله بطفــش .. ينتظرهـآ تجي ..
طالع في ساعة يدهـ .. 8:00 المسـآء ..
امجد بملل : اشبها دي تأخرت ..؟
دخلت للمطعم رافعهـ راسهـآ كـ عـآدتهـآ شاامخــهـ ..
عبايتهـآ مزركشـهـ بكل أنوآع الفصوص .. والإكسسوارات الثميـنهـ مـآليه إياديهـآ ..
شنطتهـآ كبيره من " جيفنشي " .. وطبعـآ ..
"full make up"
وشكلهـآ كأنهـآ جآيه من فرح او حفلهـ ..
وكل هالفلوس تاخذهـآ من تدمير حياة بنات مالهم ذنب ..
كلها بالحرااام ..
ريما بدلع : هاااي امجد ..
امجد بدون نفس : هايات بدري
ريما سحبت الكرسي الي قباله وجلست : اااهـ سووري والله تعبت مرره زحمه الطريق
امجد هز راسه : طيب مو مشكله ..
ريما فكت الطرحه ولمت شعرهـآ : ايووا كيف حالك ؟
امجد : ماشي كيفك انتي ؟
ريما رجعت لفت الطرحه ثاني مره وابتسمت : كويسه ..
امجد بتردد : اسمعي ........ بنبدأ ننفذ الي قلتلك عليه ..
ريما هزت راسها باهتمام وهيا تأشر للويتر : ايوا ؟؟
امجد تأفف وانتظرهـآ تطلب وتخلص ..
ريما للويتر : كبتشينو وذ آوت كريم بليز ..
الويتر : اوكي انسه ..
ريما رجعت طالعت في امجد : ايوا فهمني كيف ؟
امجد تنهد : انا اقووولك ..
,,
,
,
اخذت جوالها من الشنطـه وهي تحس عظاامهـآ بتفكك و جسمها كله يألمهـآ ..
دقت ع الرقم الي تبغاه بسرعه وهي ترتجف : الوو
الطرف الثاني بخبث : اهليييييين هلا والله هلا
مها بعصبيه : ابغه جيبيلي بسررررررعه ..
سماهر ببرود : ايش تبغي ؟
مها بصراخ : حبوب ايش ابغه يعني اخلصي عليا حأمووت
سماهر : ههههه لا حبيبتي هادي مشكلتك دحين ..
مها بصدمه : كيف يعني ؟
سماهر بخبث : يعني شوفي احد تاني يدبرلك انا مني فاضيه باي
مها : لا لا اصبري
سماهر بطفش : خير ؟
مها نزلت دمعتهــااا وقالت بنبرة ترجي : الله يخليكي لا تتركيني كدا حأمووت ادفعلك الي تبغي بس محتاااجتها
سماهر بقسوه : قلتلك مافيه دوريليك احد ثاني باااي ..
سكرت السمـااعه وصوت ضحكتها المنتصرهـ ملى ارجااء الشقه الصغيره ..
امـآ مهــاا .. مسكت الجوال ودقت على شذى وعيونها تذرف دمووع بغزااره .. وهي تحس كل قطعه في جسمها تنغزهـآ ..
ردت عليها بصوت كله نوم : الووو
مها تبكي : شذى الله يخليكي ساعديني
شذى صلحت جلستها ع الكنبه وردت باستغراب : مها ؟؟؟!!!!!
مها : ايوا مهاااا الله يخليكي ابغه حبوب مااقدر احس اني بمووت ..
شذى : ومن فين اجبلك ؟
مها تصرخ : مااادري من أي مكان بس محتااجتلها مني قاادره استحمل (( غلب البكااء على صوتها )) الله يخليكي الله يوفقك ..
شذى بارتباك : انا ماعندي شي .. سماهر هيا الي تجيبهم
مها مسحت دموعها وحاولت تقاوم الالام الي تحس فيها : طيب اساليها من فين وجيبيلي اعطيكي الي تبغي وقد ماتطلبي حادفعلك بس خلااااص مني قاادره والله مني قاااادره
شذى قلبها عورها على مهـااا .. هي مابيدها شي .. تسمع كلام سماهر وبس .. قالت وهي مغمضه عيونها تقاوم الاحساس بالذنب الي الي يقتلها : اسفه مااقدر بااي ..
سكرت في وجههــاا .. وصارت تبكي بقهر ..
شذى >> انا ايش سويت حراااام والله حرااااااااام ايش ذنب البنت .. حسبي الله عليكي ياسماهر ياراس الشر ياربيييييييه ايش اسوي ايش اسوووووي ..؟؟<< ..
مهـاا .. رمت الجوال بضعف عالأرض وضمت رجولها لصدرها وصارت تبكي بهستيريه .. تعبااانه ومهموومهـ ..
.....................
ابتسم الدكتور وهوا يجلس ع الكرسي..
جلست فدوهـ قدامه بقلق : هاه دكتووور ؟
الدكتور : والله لسه مني متاكد من الي في بالي .. بس تقدري ترجعي للبيت وتجي بكرا تكون طلعت نتايج الكشف ..
فدوه بقلق اكبر : يعني حالتي خطيره دكتور فيا شي ؟
الدكتور ضحك وهز راسه بالنفي : لا لا اطمني بالعكس ممكن تكون النتيجه مفرحـه ..
فدوه باستغراب : مفرحه كيف ؟
الدكتور : ههههههههه تعالي بكرا وبتعرفي ..
فدوه وقفت : طيب دكتور مشكور ..
الدكتور : العفوو .. واذا جيتي بكرا تعالي اسالي عن نتايج الكشف باسمك وبيبلغووكي هيا وكل شي تماام ان شاء الله ..
فدوه هزت راسها ومن جوه ماهي مطمئنه بالمره وخرجت ..
رندا وقفت لمن شافتها وراحت لعندها بسرعه : هاه سلامات ايش قال ؟
فدوه هزت راسها : يقول بكرا بتطلع النتايج ..
رندا : يوووه ..
فدوه : مني عارفه والله احس وضعي مو طبيعي ..
رندا : هيا امشي لا تخوفيني عليكي ان شاء الله مافيكي الا الخير هيا ترى الوقت اتاخر ..
فدوه بتردد : بس ماقدر اجي بكرا ..
رندا دفتها قدامها : ولا يهمك انا اجي اخذها عنك بس امشي ..
فدوه هزت راسهـآ وطلعـوآ من المستشفى ..
,,
,,
,
....................
وفي الريـــآإض ..
طلعت من المستشفى تجر رجوولهـآ .. تطالع قدااامهــآ في الفرآآغ .. في اللآشيء ..
الدنيـآ سوودآء .. لاألواان ولا أشكــااال ..
كل شي أسـوود ومعتــم كل شي مخيــف ..
حيـآتهـآ انقلبت رأس على عقــب ..
أمهــآ تبرأت منهـآ ..؟!
ماتبغـآهـآ في بيتهـآ ؟
غضبـآنه عليهـآ ومستحيل تسـآمح ـهـآ ؟
هيا قضت على حيـآة أختهـآ وهذي أمهـآ بتقضي على حيـآتهآ ؟
نزلت دمووعهاا مسرعه على خدهـآ ..
تحس انه بيغمى عليها ؟؟ مو مستوعبه الي بيصير حوولهـآ ؟؟
كل هذا يصير لها ؟ هي الانسانه الي عمرها مااذت احد ولا فكرت تقهـر احد بيوم ..
انسانه متوااضعه راضيه بحكم ربي ومتحمله وصاابرهـ على حيـآة الشقـآآء ..
يصيرلهـآ كذاا ؟؟ ليه وبأي حــق ...؟
نبههـآ صوت بوري السياره المسرعه الي كانت راح تشيلهـآ معـآهـآ ..
ارتجفت بخوف ورجعت بسرعه للرصيــف ..
كم مشت ؟ فين رااحت ؟
ماتدري ..!!
الي تعرفهـ انها مو مصدقهـ الي بيصير معااهـآ ..؟
اخذت نفس ودموعها منهمره بلا توقف .. رفعت ايدها توقف تاكسي ..
ركبت معاهـ وظلت سـآكتهـ ..
راعي التاكسي السعوودي .. استغرب : على وين ؟
نوف طالعت فيه بصمت .............
لف المرايا لناحيتهـآ .. كانت مغطيه وجههـآ بس قدر يسمع صوت شهقااتها المكتوومهـ ..
قال بتردد : لو سمحتي وين اوصلك ؟
نوف بلعت ريقها : مادري ..
راعي التاكسي خفف السرعه باستغراب : كيف ماتدرين ؟
نوف هزت راسها تحاول تركز : ا.... اقصد ...امم ............ روح حي الربوهـ ..
راعي التاكسي هز راسه بالمواافقهـ وكمل طريقهـ ..
مو عارفه ليه فكرت في الربوهـ بالذاات ليه بيت فررح ؟؟
بس ماعندها مكان تروحله .. ولا احد تلجأله .. بيتها وحرام تدخله .. ايش تسوي ؟؟
,,,
,,
,
في بيــت "مشعـــل" ..
تثااوبت بتعب : آآآآآآهـ مرره نعست
فراس : استني نتعشى سوى وبعدين ناامي ..
فرح قامت : لا بالعاافيه مابغه اتعشى بطلع انوم ميوويه وادخل انام ..
مشعل طالع في الساعه الي في يده : بدري لسه ماسارت 10 ؟؟
فرح : احسن عشان اصحى بدري بكرا عندي مشواار ..
فرااس : اووه مشاوير من ورانا على فين ؟
فرح تأشر لـ مي : بكرا اقلك ههههه يلا ميويه تعالي ننام ..
مي : لا لا مررررررررره بدري
فرح : لائه ماهو بدري هيا امشي احكيلك قصه لين تنامي
مي بفرح جات تجري لعندها : حكيني سنوو وايت ..
فرح : هههه من عيوني يلا امشي ..
مي : يلا ..
فرح : يلا تصبحو على خير ..
فراس + مشعل : وانتي من اهله ..
طلعت مي تجري على فوق وفرح تجري وراها تبغه تسابقها : ههههههه تعالي ياغشاشه ..
مي دخلت للغرفه بسرعه وطلعت ع السرير وسارت تنط فوقه : هيه هييييييه سبقتك سبقتك ..
فرح تناهج : هههههه انا اوريكي ..
اتمددت فرح ع السرير الصغيـر ومي في حضنهـآ .. وبدأت تلعب في شعرها الكيرلي القصير وتحكيلها الح ـكـآيه ..
::
مشعـل : اشبك اشوفك ساحب ع الشركه وصااف الدنيا كلها وقاعد هنا ..؟
فراس : ياشيخ روقنا بالله بلا شركه بلا هم ..
مشعل : طيب ودحين سايبها لمين ؟
فراس : فجر تعجبك .. قد الثقه وبيزنس وومن على اصوول ..
مشعل : ههههههه الله يحفظهــاا ..
فراس : ولا فهـد دا الي ماادري عن هوى ارضو .. مقفل جوالو وتلفون الشقه مـآحد يرد عليه ولا حس ولا خبر ..
مشعل باستغراب : اووف من متى ؟
فراس : من شهرين ..
مشعل : غريبه ..
فراس : والله مادري عنو ..
فج ـآآإهـ ..
دق جـرس البآآب ..
مشعل باستغراب : مواعد احد ؟؟
فراس : نو ..
مشعل قام مستغرب : خليني اشوف مين ..
طلع للحـوش .. بالشورت الأسود والفلينهـ الزرقـآء الوااسعهـ ..
فتح باب الشـآآرع : ميـ ..........
شـاافهـآ واقفه قداامهـ بمظهرها المعتآد .. الي دايما يشوفهـا فيه ..
متنقبه وعيونهـآ السودأء الوآآسعهـ بآينهـ وفيهم لمعهـ غريبه ..
ابتسم بتفاجأ : نووف ؟
نوف انحرجت منه نست وجوودهـ نهـآآئيـآ ..
قالت بارتباك : فـ..ـرح موجوده ؟
مشعل هز راسه باستغراب .. صوتها مو طبيعي ولا كذا عادتها .. ا لعادهـ تضحك والمرح دايما موجوده بنبرات صوتها الحنون ..
بس هالمره غير حس بوجود شي غريب : اتفضلي ..
نوف دخلت بتردد .. مو عارفه ايش بتسوي ولا كيف بتتصرف وايش تقولها ؟؟
دخلهـآ لجوهـ البيـت .. بالصـآلون الكبيـر تبع الضيـوف ..
ابتسملها : ثواني ازهملك اياها
نوف هزت راسها بحزن وجلست ع الكنبه الكبيره والعـآآليه .. شـآلت النقااب عن وجههـآ ..
لسه آثـآر الدموع موجوده على خدودها وحمار عيونها الباكيه مارااح ..
رجع للصـآله مستغرب .. اخر من توقع زياارته وبهالوقت بالذااات ..
وشكلها مايطمن ..؟!!
فراس : مين ؟
مشعل : صاحبة فرح ..
فراس باستغراب : صاحبتها ؟
مشعل : ايوا خليني الحقها قبل لا تناام ..
طلع للدور العلوي وترك فراس مستغرب .. جايه بدون سابق انذاار ..؟ وبهالوقت المتأخر بالنسبه لمدينهـ السلام " الريـآض " ..
وصل لغرفة مي ودق الباب ......
فرح قامت بهدوء وبحذر من السرير وحطت راس مي ع المخدهـ بحنيه .. باستها على راسها وغطتهــااا ..
فتحت الباب ولقت مشعل بوجهــا : اشبك ؟
مشعل اشرلها تطلع وتسكر الباب ..يعرف اخته من اقل همسه تصحى ..
فرح بعد ماقفلت الباب ومشيت معاه للدرج : ايش فيك ؟
مشعل : هادي صاحبتك نوف تحت ..
فرح بصدمه : ايش ؟
مشعل تأفف : اقوولك صاحبتك نوف موجوده تحت ..
فرح بعدم تصديق : مو وقتك ياباايخ ابا انام .€..
مشعل : ورب البيت تحت بكذب عليكي ليه يعني ..؟
فرح لسه متفاجأه : ايش جابها ؟؟
مشعل : مادري انزلي اساليها ..
فرح بقلق راحت تجري لغرفتها : اوكي ثواني ونازله ..
غيرت ملابسها ولبست .. بنطلون جينز عايدي وتي شيرت اصفر مكتب عليه بالألواان الكثيرهـ ..
نزلت بسرعه لتحت مستغربه .. ايش الي بيجيبها في هالوقت وبدون ماتتصل حتى ؟؟!
....................
العرض المتطور
