صورتك ترسم أماني حضن يشره للدفا
والأماني كل يوم تحطني في صورتك
عايشٍ فيها كأن الحلم عالواقع عفا
أرتفع في عالم الأحلام واْلمع واْلفتك
التفت لي يا عسى كل المشاهد لك صفا
وارتسم في عالمي لو صار كله..رسمتك
وابتسم لي ابتسامك للصور وانسى الجفا
اللي علمني اموت بْك وأهيم لجفوتك
وجهك انته صار بدرٍ..كل ليله يلتفى
مدري كيف البدر صار ف كل ليلة.. حالتك؟!
في عيونك المح الحب البعيد وانزفه
والقى بين ضلوعي وقلبي محاني خفقتك
نامت عيونك على صوتي وقلبي ما احتفى
كان مفروض اني افرح من هَناك وفرحتك
نامت عيونك وغرّقت الغرام اللي طفا
فوق سطح النايبات اللي تحدت سلطتك
خابر اني كل ما حاصرت نومي.. ما لفا
كن شيطان السهر بارض المنام..
استنبتك..
..وردةٍٍ، لو أنجرح من شوكها يْلوح الشفا
يا شفا نفسي وليت جروح نفسي كفّتك
ليش لامن نام جفنك انا جفني ما غفا
وده انه وانت نايم يستظل بغفوتك
انكسرت دموع وخضوع وتعاليل ووفا
انتثرت سهاد ووكاد وجهاد..لغزوتك
وابتعدنا كن في بعدك وجرحك لي دفا
ذاك تقديرك وخانك وانتصرت لقسوتك
واحسب اني ما تغيرني الظنون المرهفة
ما يغطيك الضباب اليا السحايب علّتك
وان كسرك ان الظروف اللي اعترتنا مسرفه
يجبرك والله قلبي ويهتني بِمْحبّتك
طيفك اطّرته غرامي وانا احسْبِك تعرفه
وكل أبعاد الوجود تشكّلت في صورتك
العرض الشجري
