حرف لامن كتبته فـي حياتـي شقـا
وحرف لامن كتبته في حياتي سعـاده
واسم لامن طريتـه منـه والله بقـا
ذكر طيب وحب منه ماجـت نكـاده
مير جارت ظروف الوقـت والتفرقـا
والله اني احبه والوفـا فينـي عـاده
اسمه اجمل واجمل يقترب مـن وفـا
بالصفات الحميـده وقـدره الله اراده
والله اجمل واجمل من سهى ومن ندا
واجمل اجمل بعد لا قيل نوره وغاده
في عيوني اشوفه مثل قطـر النـدا
ياحياتـي تخيلتـه ولابـس قــلاده
ودي اكتبه شعر ووصفه ومـن قـرا
يذكر الله ويهلل ذي من اصل العباده
والله اني اهوجس فيه نـاس اكثـرا
صح تعرف العباده بس منهـا ابـاده
اه لامن ذكرتـه فـي حياتـي بـدا
سيل دمع انتثر فوق ذيـك الوسـاده
ولاذكرت ابتسامه .. وفمه لامن حكا
والله اني اضيع .. واذكره في وداده
وقت نومي ونومي حس صوت وصدا
اه لامن تردد مـوت احبـك وعـاده
العن الحظ لكن ذا قدر غصب نرضـا
انكتب لي عذاب قصتي فـي بعـاده
ياعسا الله يكتـب لـه حيـاة الهنـا
ياعسا الله يكتب لـه حيـاة السعـاده
العرض الشجري
