قصه واقعيه حدثت في ابو ظبي..

ماجد العساف · 26-08-2009, 02:24 PM

اثنين من الشباب ..من فتره ... يعني قريب...شلوا عشاهم و ساروا يتعشون في شاطئ الراحه في بوظبي...

يتهم حرمه عيوز و يلست تلقط من الاكل المتنثر...قالولها يدوه انتي يوعانه...قالت هيه انا من الصبح هني و ما كليت شي...

قالولها انزين شو يايبنج هني؟قالت ولدي نزلني و بيرد عليه....

المهم شلوا اغراضهم..و حسوا الشباب ان الوقت متأخر و ما يستوي يخلون الحرمه العيوز بروحها فالليل...

قالولها..انزين عندج رقم ولدج؟نحن بنتصل له..قالت هيه..و طلعت ورقه صغيره من مخباها...يوم طالعوا شو مكتوب

"من يجد هذه المرأه يأخذها لبيت العجزه"

انصعقوا الشباب من اللي مكتوب...و يلسوا ساعه يترجونها انها تسير
معاهم....

لكنها ما رضت ... و قالت لا انا بتريا ولدي..هو بيي ياخذني....تموا وياها ساعه يترجونها لكنها كانت وايد مصره ان ولدها بيي ياخذها"مسكينه ما تدري بحقارة ولدها"

المهم....روحوا عنها الشباب....

واحد منهم ما رضي يرقد....يتجلب و يفكر فيها.....

لين ا استوت الساعه 2 في الليل...نش من على الشبريه و لبس ثيابه بسرعه...

و سار الشاطئ....شاف اسعاف و شرطه...هجم بينهم و سألهم عن الحرمه...

قالوله توفت...ارتفع عندها الضغط و ماتت...

ارتفع عندها الضغط على حسرتها على ولدها...تتحرى ان صار له حادث او مكروه...

الله يرحمها برحمته...مسكينه...

كتبت ها الموضوع بس عشان يشوفه ولدها على الانترنت...و اما حاسه ان بيشوفه...

ارجوكم ساعدوني و انشروا ها الموضوع...

بس كلمه ابغي اقولك اياها....انت ما تخاف من ربك؟

شو عندك اهم من امك اللي ماتت من خوفها عليك...؟

وانت فارنها مثل ......ال

تعرف اختي شو قالت يوم
سمعت السالفه؟

قالت ليش ما يابها عندنا؟ نحن نباها بنحاظيها و بنرعاها..

هاي الغريبه جيه تقول..و انت الابن شوف شو تسوي....

الله بيراويك...الله فوق و يشوف كل شي...

الرجاء إرسال هذا على بريد كل من لديه قلب ورحمة

لكل من فكر يوما في العقوق بوالديه .. لعله يتراجع ويهديه الله

أرسلوها قد تصل الرسالة لهذا العاق .. ليعرف أن والدته ماتت حزنا وغما عليه .. ليدرك أنه قد خسر تذكرة كادت أن تدخله الجنة من أوسع أبوابها .. فرضى الله من رضى الوالدين

الله يرحمها ويحسن إليها

هذا الموضوع لكل من يفكر يوما فى عقوق والديه

مشكلتي دلوعه · 26-08-2009, 03:34 PM

لا حولا ولا قوة الا با الله فعلا قصة مؤثره

نعم رضى الله من رضى الوالدين
جزاك الله الف خير وجعلها في موازين حسناتك
بنتظار الجديد لا هنت

LadyLvoe · 27-08-2009, 11:02 AM

حسبي يالله عليه ونعم الوكيل هذي اكيدحرمته الله يلعنهالعنه السموات والارض الخاايس يبيع انه عشان حررمته

لاتخاافون الزمن دوار يلاقي هذاالشي بعياله انشالله

ماجد العساف · 27-08-2009, 11:47 PM

اقتباس

المشاركة الأصلية كتبت بواسطة مشكلتي دلوعه


	لا حولا ولا قوة الا با الله فعلا قصة مؤثره نعم رضى الله من رضى الوالدين جزاك الله الف خير وجعلها في موازين حسناتك بنتظار الجديد لا هنت

يعطيك العافيه على التواجد

بارك الله بيك

ماجد العساف · 27-08-2009, 11:47 PM

اقتباس

المشاركة الأصلية كتبت بواسطة عيون راعيها


	حسبي يالله عليه ونعم الوكيل هذي اكيدحرمته الله يلعنهالعنه السموات والارض الخاايس يبيع انه عشان حررمته لاتخاافون الزمن دوار يلاقي هذاالشي بعياله انشالله

يعطيك العافيه على التواجد

بارك الله بيك

(الجارح) · 28-08-2009, 12:42 AM

يعطيك الف الف عافيه
مشكوووووووووووور على الموضوع

ماجد العساف · 28-08-2009, 04:40 AM

اقتباس

المشاركة الأصلية كتبت بواسطة (الجارح)


	يعطيك الف الف عافيه مشكوووووووووووور على الموضوع

يعطيك العافيه

على المرور

الدرع فهد · 28-08-2009, 05:26 AM

الله لايوفقه ويجازيه باسرع وقت

moOon 14 · 28-08-2009, 07:38 AM

حـسبي الله ونعم الـوكـيل شـنـو هـذا مـآآآ عنده

احساس وربي الاحساس معدوووم ..

قسم بالله حقيييييير هـذي آخـر تربيتها لك وسهرها عليك ..

يـآآآ حـساااافهـ الـ 9 شهــووور فيك وربي راح يجـازيك بعيالكـ

( الله يمهل ولا يهمل )

حــسـبي الله عليك ليل ونـهــااار الله يجازيك بالدنيا وبالآخره ..

>>>> حـــآآآآقــدهـ بـقـوووه بس وربي معذووورهـ ..

تسلم أخــوي " سـكــر " ع القصه المؤثره ..

تحياااتي واحتراامي لـكـ ..

moOon 14

آوهآآم · 28-08-2009, 07:57 AM

لا حول ولاقوة الا بالله

مشكووور سكر