هذه ابيات نصيحة لاحد اخواني اتمنى ان تلقى رضاكم
قال المثل ابعد عن الشر تعتاش = وعن ديرة الجربان ابعد وانا اخوك
واللي قرصة الداب من حبلن انحاش= ورزقك على الله مابها ضن وشكوك
ومن ما تعلم من خطاياه ماحاش= دايم وهو بين الشكالات مركوك
وانتا حكيم الراي مانتا بمنداش= خيًُر عسى باب (ن) به الشر مصكوك
وابشر بعزك دام راسي بها عاش= مايلحقك ضيم (ن) ولا تبات مضكوك
كل الذي املك بحطه لك فراش = يفداك مابي منه مال (ن) ولا صكوك
مالي بهالدنيا ولد فيها يعتاش= انت الولد والمال يا محزم اخوك