كنت أقول إن ضاقت الدنيا توسع
وأتسأل لـــــــــيه ضآقت في عيوني هالوسيعه
لين شفت الخافق اللي حـــــــب من جد وتولع
يحـرمه وقته و وقته صارت أحزاااااانه طبيعه
منحـــــــرف حظي وأعرفه طول عمره ماتسنع
من عرفت الشوق قآسي والهوى هذا صنيعه
ياحبيبي حط يدك فوق هالقلب وتسمع
بس لاتسأل دخيلك ليه دقاته سريعه !
يوم شفتك والحكي عيا يجي مدري تمنع
والسكوت اللي ملا الدنيا مرافقني جميعه
يوم شفتك داخل عروقي نـــــــــما عشق وتربع
يوم شفتك والحياه القاسيه صارت بديعه
لو بقول إني بمـــــــوت إن غبت يمكن ماأتصنع
دامه غيابك له الآم" ولوعـــــــــات" فضيعه
ماتعبت...! إلا التعب ظـــلي ولدروبي تطوع
والزمن يحفر مسافاتي غرابيـل وخديعه ؛؛
والذنوب اللي معي نبض من اللوعه تجزع
والخطا عشقي ولكن مالقى له من ذريعه
والعــذاب إللي أهوله قفص صدري تصدع
مانزع روحي من ضلوعي ولا خذها وديعه
مستحي من حبك اللي ضمه الصدر وتنوع
مدري شايف إن الهوى فيني له سدود" منيعه
وأنت عشقك غير كل العشق لو ربعه توزع
كل واحد ماعشق قلبه يبي يصبح صريعه
عاد تدري لو هوى كل الخلايق لك تجمع
مايجي ذره من أحساسي مدام إنك شفيعه
يازماني دامني ماأقوى على عنادك تشجع
وأرسم جروحي وأنا بشكي على رب الشريعه
يـالله إني طالبك من قـلب صـــــــــادق ويتضرع
لايجي بيني وبينه بعد وفراق وقطيعه
يـالله إني طالبك وإن ضاقت الدنيا تـوسع
لين تفرج والحياه تصير بوجوده وسيعه
العرض الشجري
