ان جيت ابسأل عن أحوالك تصادفني =جملة قيودٍ تحيرني وتشقيني
ماني بصاحب جفا لاشك تعرفني =لكن ترى بعدكم ضاعت عناويني
شفني هنا لابغيت تزورني شفني = ساكن بحرفي وحبره من شراييني
تدري ويش الي بطعم الحب عيفني؟؟=سرابه الي مع الايام يغريني
ابي اتصرف معه واثره يصرفني =مااعطاني الا الخيال بتالي سنيني
وان كان تبغى على اطلالك توقفني =ماعاد يمديك , لا ولاعاد يمديني
ابي النهايه تشرفك وتشرفني = وتذكرني بالخير كان أنك ذكرتيني