جت تعزف اوتار قلبي بابتسامتهـا
وعيني تهلي بها والقلـب حياهـا
متبختره تفتخر في طـول قامتهـا
من حقهـا دامـه يكمـل مزاياهـا
والارض تهتز عنوه من فخامتهـا
وتثور لاهزت الخلخـال بخطاهـا
الورد بيموت غيره من وسامتهـا
ويزيد وضعه حرج من حمرة شفاها
تمشي وفي مشيها تبدي رزانتهـا
مشية فرس ربنا بالزيـن حلاهـا
تملى اذا ما قبلت بالحسن خانتهـا
ويضيع قلبي وفكري عند مسراهـا
يلوح ضوء القمر من صرح هامتها
ويتناثر اللول من صفـة ثناياهـا
غزالـة مستذيـره مـن رشاقتهـا
ممشوقه القد بيـن الغيـد مرباهـا
تغار كل الغوانـى مـن وجاهتهـا
لاشعشع النور من صافي محياهـا
الحسن ما ضاف شي على مكانتها
هي تستضيف القلوب على مزاياها
مافيه خصلة جمـال الا وحازتهـا
اوصافهـا كـل مزيونـه تمناهـا
عفيفة الطبـع بالاخـلاق صانتهـا
كريمة الاصل قلبي صار مرعاهـا
قلبي موظف مطيع وفى وزارتهـا
والنبض يتعهد خطاهـا ويرعاهـا
لا والله الا عليـل وفـي عيادتهـا
وده يعيـش بعيادتهـا ومشفاهـا
العرض الشجري
