آآه لا وقْفْت الكلمه وودك تقول
وانكسر في ضلوعك مثل كسر الجمر
بس عينك تناظر والمشاعر تجول
تقبل النفس منك العذر لو به عذر
وآآه من وقفة ٍ للحزن عندك تطول
كل ما تبعث امالك يولم قبر
لا صحى عرق وردٍ منك صابه ذبول
والمدامع توقد لحظه وتنفجر
في معاليق قلبك مثل قرع الطبول
لانكسر خاطرك بالله كيف الجبر
يا شتاٍ حارب احساسي بكل الفصول
كل ما كبرت غصوني جليدك كبر
اذكر اني عن الزلات نزر ٍ جفول
واذكر اني فلا صافحت كف الغدر
كل ما جيت ادور للسحابه هطول
قام يقطع عناد الوقت كل الشجر
يا وجودي وجود الي جروحه تصول
ما اهتنى في منامه لين اذان الفجر
جرحه الغاير ابطى تم له نصف حول
لا قوى يدفع الامه وجف الصبر
العرض الشجري
