الله عطاك إحساس شاعر وصقار
حتى عيونك في اللقاء ما تخونك
أبتدأت لغة العيون بصمت الشفايف
يا بنت بعيونك مراسيل واسرار
سبحان من حط الحلا في عيونك
وهنا نطقت الشفايف بما تخفيه العيون
صقر يحوم وزود البعد ناره
أوقد حطبها لين سارت سعاير
كان المشاعر م التقت يا خساره
حان الوداع وحان جني الخساير
والسر عندك في ضميرك أعاره
كان أتعبك رده ونا له عماير
هب النسيم وجاب عطر البشاره
نسيم ليل داعب جروح حاير
ياللي تحط الخط تحت العباره
الخط واضح ما يبي له دوائر
ياللي طلبت أجيك وقت الزياره
جيتك هوى من فوق جنحان طاير
يا خل خل الليل يسدل ستاره
وخل البشر تهدى وترخي الستاير
واشعل لنا القنديل وارخ الاناره
وحذرى من القمرى تبيح السراير
واشكي لي أهمومك كلام وأشاره
وأشكي لك اللي خافي بالضماير
العرض المتطور
