والله لولا الخوف من ربى وكرهى للذنوب
با لحرام ان التراب ابعد عليك من النجوم
يا ايلاهى تطمئن بذكرك ارواح وقلوب
لااله الا انت نسجد له ولا غيره يدوم
وجهك الباقى وعبدك ينتظر منك المكتوب
ماله الا ما كتبت وما يطول الا المقسوم
يا العظيم يلى فى علمك جنه وناروغيوب
تنجى امى من عذاب النار والقبر الكتوم
يمه يمه الله اللى يعلم يوم اودعك مغصوب
يوم احطك فى القبر مدرى اقوم او ما اقوم
ما هقيت امشى ولا خطوه ولا الحق غروب
من عرفت ان الفراق صار امر محسوم
صارت الدنيا تدور ولا عرفت الدرب نوب
الوكاد انى غديت بصوب والدنيا فى صوب
والحياه الله يجيرك صارت اقسى من اللزوم
كل ما اذكرك يمه ينحرق شمع ويذوب
يختنق صدر المفارق كثر ما صار محروم
اذكرك وانتى هنا وهناك يا صعب الهروب
وين ما اناظر اشوفك فى عيونى كل يوم
اتخيل طلتك ومشيتك فى ها الدروب
حتى صوتك اسمعه نفس السوالف يا رحوم
صار بيتى فى عيونى موحش وكله عيوب
من رحلتى لا خبر لاعلم ولا عين تنوم
ما بقى للبيت نور وما بقى للجرح ثوب
ولا بقى الا ذكريات بينى وبينك تدوم
يمه الله لا يعاقبنى ولاكنى اتوب
ليت ربى ما خلق فرقا ولا موت وهموم
ادرى الجنه تحت رجلك ولله الوجوب
اسئل الله الرضا والفوز ياحى يا قيوم
العرض الشجري
