مايملا عيني ياهوى البال مخلوق ..
الا انت يالي صرت مني وفيني ..
انا ارتضيتك تطفي الشوق بالشوق ..
والارض ماعادت ابد تحتويني ...
اصحى ترى عشقي غدا دم وعروق ..
الحب دمي وانت بينه وبيني ..
بين الفرح والجرح ماشوف انا فروق ..
مادامها منك ابيها تجيني ..
خل الليالي صبح وانوار وشروق ..
خله فرح زاهي يجدد حنيني ..
بناظر العالم بنظرات من فوق ..
واقول يا غلاي يلا اشعليني..
ماقول انا عاشق ولا قول معشوق ..
ابيك انا .. وانت جنونك يبيني ..
كانه زعل برضيك والهم ملحوق ..
كانه رضى خذني وقيد يديني
العرض الشجري
