ياهم ليتـك يـوم قفيـت ماجيـت=
ليتك علـى وجهـك مقفـي ليالـي
رجعت يوم اقفيت وشفيك مابطيـت=
في غيبتك مرتـاح بالحيـل سالـي
عزالله انك جيـت يومـك ترديـت=
خليتني اشكي على النـاس حالـي
ياما من اسبابك عن النـاس قفيـت=
عزلت نفسي عن عمـام وخوالـي
وياما من اسبابك على الخد هليـت=
دمع العيون اللي على الخـد سالـي
وياما بكيـت الليـل كلـه وبكيـت=
من هو جنوب البيـت وإلا شمالـي
وياما من الضيقات للجيـب شقيـت=
وامشي وانا كني من العقـل خالـي
وياما من الضيقه عن البيت صديـت=
وازبن على المشراف واجلس الحالي
واقول في نفسي انا ويش سويـت=
وشفي زماني يا عرب مـاصفالـي
مامر يوم فـي حياتـي تهنيـت=
طعم الفرح سعره على القلب غالـي
وياما وياما فـي حياتـي تمنيـت=
يرجع لي اللي في حياتـي مظالـي
قلبي يعزيني وانـا اليـوم عزيـت=
فكر عجز يلقى جـواب السؤالـي
أخوي عبدالله الرقاص أشكرك من كل قلبي على هذا الاطراء الجميل والكبير من شخص كبير مثلك,,,وسلمت أناملك التي ردت على الابيات , وفكرك الذي نطق بهذه الكلمات ,,, تقبل مني كل احترام ,, واوعدك بالجديد قريبا ودائما بإذن الله سبحانه,,,
العرض العادي
