مساء الخير ومسا الليل والقمره .. مساء الاحلام والهمس وعد النجوم تحت سمايه ..
::
أقرا ملامح ضيقتك في عينك اللي ما تبوح...................أحسها لو ما تبيني أنتبه لإحساسها
أشوف همك فالعيون اللي مدامعها تلوح..............لكنها ما ترخص الدمع وتحدت يأسهاا
ما أنت بعلى بعضك وكلماتك من الضيقه تفوح..................حرام تحرق وورد خدك من لهيب أنفاسها
وشفيك ضايق منهو اللي كدر الوجه الصبوح...................لو أنها الدنيا وانا حامد لأنزل راسها
قلي علامك لا يطول الصمت وتزيد الجروح .................شف شمس موعدنا هفت..والليل دق أجراسها
باقي دقايق من موعدنا لا تخليني وتروح.................ولو رحت قلي وش يفك النفس من وسواسها
أضحك ووسّع خاطرك يا صاحبي خلك مزوح.....................الريح تنتظر ضحكتك..وموقفه نسناسها
قد قلت لي: لاصرت ضايق..عاند وخلك جموح..................النفس ما تركع لضيقتها وترخي باسها
قد قلت لي: خلك كتاب ابيض ويملاه الوضوح.....................ومن ينحني للعاصفة..أعقل من اللي داسها
وين المبادئ وابتساماتك وهذاك الطموح................وإلا سوالفك القديمة ماتت بقرطاسها
مهما تصد بنظرتك عني أنا لي فيك روح....................تشاركك في ضحكة أيامك وفي هوجاسها
وعيونك اللي ماتبيها تعترف لي وتبوح....................شف دمعتك هذى..تراها ترجمت لي إحساسها
العرض الشجري
