يا غزال الريم يا ظبي الفلا
أرحم اللي منك عينه ما تنام
يا هلا في شوف زولك يا هلا
بالطيف الروح خذ مني سلام
ارحم اللي في هواكم مبتلا
من ودادك نايحٍ نوح الحمام
المحبه والملاحه والحلا
زاهياتٍ فيك يا بدر التمام
باح صبري منك والقلب امتلا
والله اني في غرامك مستهام
والله اني ما هويت من الملا
من جميع الناس من حام وسام
كود زولك عنه قلبي ما سلا
لك فؤادي دش في بحر الغرام
ليت من هو ثمانك بنهلا
حبتك يا صاحبي برد وسلام
ما ابتليت بحي غيرك لا لا
زارني طيف بليلٍ ينجال الظلام
حبتك تغني عن الماء والكلا
من رحيق شفاك جرعني مدام
صابغٍ حبك بقلبي مانجلا
يا حبيبي مثل دقات الوشام
امتلا قلبي بحبك والغلا
من عذلني عنك ما اسمع له كلام
العرض الشجري
