=--------> ( . وسوســـــة .. مـمـلكـــــــــة . ) <--------=

[w7dany]

ترى بعض الصراحة جرح وثقل ونرفزه اعصاب=ابـي تسمـع كلامـي زيـن وتـمســك زيـن اعصـابـك
وش الــي غـيـرك فجـأه تكـلـم واذكــر الأسـبــاب=انـا بسمـع كـلامـك زيــن وبسـمـع زيــن اسبـابـك
رغـم كـل الخطـاء منـك فوجهـك مـا قفـلـت الـبـاب=ويـوم اخطيـت فـي حقـك قفـلـت فوجـهـي ابـوابـك
رخصـت الغالـي لعيونـك حنيـت لخـاطـرك ارقــاب=رضـيــت احنـيـهـا ارقـابــي ولا تحنـيـهـا ارقـابــك
كفايـه تمتحنـي هــم وخــل مــن ذم فيـنـي وعــاب=ترى من عاب في غيـرك ولـو طـال الزمـن عابـك
ولا قد طـاب لـي جرحـك ولـو جرحـي لذاتـك طـاب=عجـزت اقـدر اشـوف الدمـع بـل اطـراف اهـدابـك
ولـكـن كـــل شـــي إلا جـــزاة الـصــد بالـتـرحـاب=إذا صـديــت تـرحـابـي تـــرى بــاصــد تـرحـابــك
ولانـي مرتـضـي ذلــي ولــو كــان الـهـواء غــلاب=إذا مـاكـان تـرضـا بـي حـشـاء لا يمكـن ارضـا بـك
ولانــي قــادر اتحـمـل عشـانـك غـرسـت الأنـيـاب=انـا كـلـي غــدى مـجـروح مــن غـرسـات انيـابـك
تجافيـنـي ولا هـمـك ولا تحـسـب لــي أي حـسـاب=وانا من زود غـلأاتي لك اصونك واحسـب حسابـك
ألآ يـا قـسـوة الصـدمـه تجـيـنـي مـنــك الأصــواب=وانا الي كنت اقول الجـرح إذا مـا صابنـي صابـك
أمـانــه قـــول وش بـقـيّـت للـحـساد والأغــــراب=اذا هــذا مـعـي طبـعـك اجــل وش حــال اغـرابــك
تـمـرد كــان يحـلـى لــك تعـيـب فطيبـتـي وتغـتـاب=ولكـنـي تــراي اكـبــر مـــن انـــي يـــوم اغـتـابـك
انـا عيبـي غبـي طـيـب وضـنـي فـيـك والله خــاب=ولا قـــد كـنــت اتـوقــع تـجـافـي يـــوم اصـحـابـك
انا جيتك بطيب الطيب وفيـك الطيـب ابـد مـا جـاب=ابـي تعذرنـي على القـسـوة لأن الطـيـب مــا جـابـك