لك وحشة ما هي مثل باقي الناس
لو أفقدك ساعة تذكرتك سنين
أحس في حبك و لا غيرك احساس
أنت الوحيد اللي ملا ناظر العين
شوقي ترى ماله حدود و مقياس
من وين أببدي ميزة الحب من وين ؟
حبك و لا مثله ملا العين و الراس
و لا فيه مثلك يشبهك ناس حلوين
أوله ليا من غبت و افقدك و احتاس
تقلب حياتي كلها يسار و يمين
ملكت قلبي و اصبح القلب مجلاس
و حطيت عرش الحب في وسط قلبين !
قلبي معك كنه معلق له أجراس
يا نبض شرياني و يا اعز غالين
افرح ليا شفتك و اقول لك لا باس
زدني بعشقك و افتح القلب نصين
فدوة لعينك ما ابي غيرك انفاس
انت الحبيب و كل ما تفعله زين
العرض الشجري
