يطول ليل الحزن واعتب على ضروفي
واللي قويته من أحزاني بريّضها
اليوم كن السهر مثّر على شوفي
والصدر به ضيقة ٍ لـ الريح أعّرضها
والقلب كنّه يدق ومجهد كتوفي
مافيه نبضة حزن ما قام ينبضها
عليك ياللي تغيب وتلهم حروفي
تغيب والنفس كن الموت قابضها
ابيك ترجع وترجع ما فقد جوفي
بدونك الحال مدري وش يعوضها
تعتبت أجمع شتاتي وأجبر وقوفي
وانا همومي عيون الناس تلحضها
لا صرت أحبك وطيبي فيك معروفي
وشلون تقدر عهود الوصل تنقضها
لا طولّ البعد بصبر مير يا خوفي
تطيح دمعه وانا لي وقت حافضها
العرض الشجري
