أمسح دموعي وأقول اني نسيتك
وكل مافتشت فأعماقي .. لقيتك ..!
لا متى وانا آتصبر دون جدوى ..؟
لا قطع صبري ظماي ، ولا ارتويتك
لا بغيتك .. قمت أصحي ذكرياتي
مالي الا ذكرياتي لا بغيتك
ولا ذكرت عيونك .. أسرح .. وآتنهّد
يافديت عيونك السود وفديتك
ياعذابي ، ولا ياثورة شجـوني
لا مسكت الخط من بيتي لبيتـك
لا نصيتك .. ضاقت الدنيا بعيني
واول اليا ضاقت الدنيا .. نصيتك ..!!
بعتني في سوق نزواتك ، وانا اللي
بعت ماعندي من آمال وشـريتك
يوم صرت اتنفس وصالك .. فقدتك
ويوم قمت آتعلم الضحكة .. بكيتك
كم كتبت الْك الرسايل ، والقصايد
وكم سعيت أنهي جفاك ، وكم رجيتك
ماعطيت لقلبي المجروح فرصة
ذا وانا اللي كل ماتطلب عطيتك
أعترف بانّ الغلط منك ومني
حتى لو انّي تذمرت وشكيتك
غلطتك .. إنك تناسـيت المحبة
وغلطتي .. إني من الأول هويتك
فان ذكرت اللي مضا بينك وبيني
ولا لو في غمرة أحلامك لفيتك
إذكر انّك متلفٍ روحي بهجرك
واذكر انّي رغم هجرك .. ما نسيتك .. !!
آآآآآآهـ انا السبب باللي سآر
العرض العادي
