صار الزمان الشين والهم والضيق
أصحابي اللي طول الأيام وياي
ومن بيننا صارت عهود ومواثيق
من وين ما وجّهت يمشون ممشاي
أحيان أطيق الهم وأحيان ما أطيق
لاشك منهو يسمع اليوم شكواي
أشرب هموم الوقت مع فكّة الريق
صار السهر زادي وهمّي هو الماي
لا قلت أبا اسلى يرجع الضيق وأضيق
ما للسعاده يوم واحد بدنياي
أغفى على رجوى الفرح لكن افيق
على الخيانه تقتل احلام رجواي
لاصار درب الصدق مافيه توفيق
مابي دواي إن كان في كذبي دواي
ما أقدر اخون بعشرة الهم والضيق
لا صاروا أوفى اثنين للحين وياي
العرض الشجري
