..~{لو كنتـ لحآلكـ عآلبحر وشـنو بتقولهـ ..؟!.. }~..

[عاشق الأحساس]

حق المشفــر 0000

يا عقرب الساعه.... ترى فاتت اوقات
ليتك.... تعكس السير مره طواعه
أبكي على اطلال(ن) طرت لي وبسكات
عيا يجي للوجد عندي مناعه
كلما صفا بالي ...وهمي كنه مات
يدقني الشوق القديم بصباعه
دقة مترجم يجمع شتات... لهجات
ويصبها فوق الورق بالطباعه
أتصفح وجيه(ن) توارت... ولا جات
أما رفاقة درب.. ولا... جماعه
ما شال اساميهم من القلب ممحاة
مادام حبر الشوق يروي يراعه
لو تختلف لسباب ...ون مات... مافات
راحوا وباقي فالحنايا بضاعه
اما برمح(ن) هرفه قبضة... شفات
صعب(ن) على نفس الكريم انتزاعه
يبقى على طول الزمن ترده جبات
حتى يجي عقب الهواجس قناعه
ولا اختلاف شفوف والشف ميقات
يجمع عليه اللي سوى بالصناعه
ولا منايا بقصف الاعمار تقتات
كم غالي(ن) جانا مع الوقت ناعه
والحين باقي حيهم دون وجهات
من وين ما هبت يلقي شراعه
وقت(ن) مضى داريت فيه العلاقات
وثني الحبل مرات خوف(ن) انقطاعه
ما مر درب الشوك وقدامها حفات
وجعل لها في كل هفوه شفاعه
أرفق عليها من الزمن لا تجي شتات
سوات زراع العنب فقتطاعه
واليوم أخذت لنفسي دروس وعظات
ماعاد للخاطر على النفس طاعه