ياهل الهوى ويش السواهـ اليا لعب فيّ الهوى ؟
_______________ جسمي نحل من سبّته والحال ياناس اندمر
والراس يلعب به خيال الحب والقلب انكوى
_______________ وعيوني الثنتين من زود القهر راحن حمر
وضلوعي اقوى واحد ٍ فيهن تعقّد والتوى
_______________ والصدر ياحرّي عنه قام يتغشّاهـ القهر
قهر قيس نجد ولا نقص ... يوم القهر ماله دوى
_______________ يالله تلهمني بعد ماراح محبوبي صبر
أذكر لكم قصّه قديمه والهدف فالمحتوى
_______________ قصّه مثل ماصار معي آجيبها بـ المختصر
فيه آدميّ ٍ كان يخشى البير لكنّه هوى
_______________ في بير ٍ اطول من خياله والسبب زود الحُفر
قبل يتوّفى جعل ربي يرحمه صابه خَوى
_______________ في صلب راسه والحذر مافاده وشوفه قصر
يعني حذر مع خوف مع فطنه ولكنّه غوى ؟
_______________ ما آقول لا تحذر ولكن خذ حذرك امن الحذر !!
نرجع لقصّتنا واقول الكم وصاة اللي نوى
_______________ يكتب وصاته في ورق لكن كتبها في حجر
يقول ( عرق المعرفه والساس والحيله ذوى )
_______________ محد ٍ قدر يفهم معاني جملته محد ٍ قدر
لكن بعد تحليلها فـ المختبر حين استوى
_______________ أكبر عدد ممكن من النُقاد ضاق المختبر
واجتمعو النقّاد واتفقّو على إن الهوى
_______________ يمكن يخلّي من يحب ابقلب مرّهـ .. ينتحر
العرض الشجري
