خلني مابين قلبك والعيون
ودي ابقى في كيانك للأبد
طالبك فرقاي عندك لاتهون
لو عواصيفك تزمجر بالرعد
لو فقدتك خطر يلمسني جنون
قيمتك عندي تفوق أهل البلد
أسقني حبك يابو قلبٍ حنون
للعطش والبعد ماعندي جلد
ولو يسج الفكر وتزيد الشجون
لا وصل لأسمك من الشوق ارتعد
غيرك أنته في حياتي من يكون
مستحيل إلا أنت ياوجه السعد
حالفٍ لأجلك لغني باللحون
حالفٍ منساك لين أسكن لحد
ياعذب من العذب من صاف المزون
ياحلو أحلى من أصناف الشهد
يألطف من الطيف في ليلٍ سكون
يا أرق من الحرير إليا انفرد
بالثلاث أيمان حالف ما أخون
وأنت يكفيني من عيونك وعد
هاك قلبي سو ماتبغى تمون
بس أرفق به ترى مابه جلد
وخلني مابين قلبك والعيون
طالبك وأرجوك ياوجه السعد
العرض المتطور
