ان كان عندك عذر قـدم معاذيـرك
اخاف لازعل وصبري واصلٍ حـده
احاول اصبر ولا ادري ويش تبريرك
بس انتبه لي تراهـا طالـت المـده
ماني بصابر على هجرك وتقصيرك
ان رحت باقول لك روحه بـلا رده
عرفت دربك وتكسيـرك وتجبيـرك
بيدك تعمر الهـوى وتعـود تهـده
روح لغيري وانا حصلت لي غيـرك
اللي هوانـي وصافـي بالغـلا وده
دور لمن يجهلك ولاعـرف سيـرك
وانا عرفتك صحيح وصدتي صـده
اعرف يومك تحب ويـوم تقزيـرك
ايام راحـت و وقـت راح لاتعـده
خلاص هونت من لفـك وتدويـرك
نسيت حبك لابو حبـك لابـو جـده
انـا نسيتـك ويامكبـر مخاسيـرك
كـلٍ يـدور لملبـوسٍ علـى قـده
دور لمثلك علـى دربـك وتفكيـرك
وانا خويي صريـح ومافضـا سـده
لاهو بيكذب ولا له فـي مشاويـرك
صديق صادق وفي بساعـة الشـده
والا انت لو كان تكثر لي معاذيـرك
ماينفع العذر لامن غبـت لـك مـده
العرض الشجري
