...
عيوني حزينه والسبب خافقي مظيوم
ولاهلت العبرات ماني بلايمـــــــها
كفا ياعذول لامني ايش يفيد اللوم
انا اسهر ليالي كامله وانت نايمها
عيونك تنام وناظري مايذوق النوم
ازايم هموم بالهوى ماتزيمــــــــها
ولاصرت ماتدري وانا صابر ومحروم
ترفق بروح زايد الهم ضايمــــــــها
علي الشقا ياصاحبي بالهوى مقسوم
الا وعذابي طول الايام صايمـــــــها
(قال الوداع)
قال الوداع وقلت ريع لي شوي
اصبر ترى عمر السعاده ثواني
قال الظروف وقلت عن ظرفه عي
تعال وقف ساعتك في زماني
قال احترق في شمسها وانت في فيّ
ماكل ماغطى عيوبك كساني
قلت العفو بصبر على حامي الكي
واكسيك من صبري كساوي حناني
قال الحقيقه شي واحلامنا شي
والشاهد الله ليت هذا مكاني
قلت الوعد قال الوعد يابعد حي
لاصاح لك قلبي وقلبك دعاني
..
(:
العرض العادي
