بشيل الحزن في صدري وأبتفاءل بكم كلمات
وأبعلن للفضا كله ترى حزنـــــــــك سكن فيني
وأبضمد هالجـــــراح اللي بواريها مع البسمات
وأبظهر وجهي الثاني يا كود اللـــــــــه يعافيني
من همومي من أحزاني من آهاتي من الحسرات
من ظروف الزمـــــــــان اللي من ألوانه يوريني
وأبهجر دنيتي وأرحل لغربـــــــة عالمي بسكات
و معي زادي من الذكــــرى بعد فرقاك تغنيني
وإلا مني غديت بعيد أببعث لك مع الهمسات
وأبشرح لك عن أحوالي وعنْ سواة الزمن فيني
وطلبتك مني لا تزعــــل و لاتبعد بك الهقوات
تطمن حبـــــــــــك بقلبي ومستوطن شراييني
العرض المتطور
