ليه تطعني وانا ميت بليـا
ماكفاك الي حصلي قبل ساعه
كن بين همومي وبينك حميه
جيتكم واحد وجيتوني جماعه
انت منا والمصايب من هنيه
كلكم ضدي ترا ماهي شجاعه
ماابشع من جروح طعنات القفيه
غير سكينن تصيب بهالبشاعه
لاتتوب ولا تذوب ولا تريا
جرحها جرح وفظاعتها فظاعه
ترتوي من فيض دمي وتفيه
صار قلبي مثل اخوها بالرضاعه
وانت ليلن لو ضويته مايضيا
ضعت فيه وشفت نفسي في ضياعه
اتهياه وين مااشوفه اتهيا
وارسي بمرساه وشراعي شراعه
من عرفته والمحيا بالمحيا
ومايروح الا ذراعي بذراعه
ان رضيت ارضيه وان عييت عيا
وان طلبني قلت له سمعن وطاعه
ماعشقت من النجوم الا الثريا
وماملكت من الكنوز الا القناعه
وانت وجيوش الموادع والجفيه
شلون بوقف ضدكم وانتم جماعه
لو بجيكم بالشجاعه والحميه
البلا ان الكثره تغلب الشجاعه
العرض الشجري
