هذه المحاورة جرت بين الشاعرين/ توني بلير وبوش بن بوش حيث جاء بلير إلى أمريكا لحضور المؤتمر الثاني مع بوش وعندما دخل على بوش في صالة الاجتماع بدأ بهذه المحاورة وقام بوش بالرد عليه فوراً ،،،،،،،،،
بلير :-
الله لايجـــزاك بالخير يابوش***** ورطتنا في حرب صدام ورطه
عزمتني تقول بترول وقروش***** بس الحقيقه روحتي معك غلطه
بوش :-
يابلير العلم عن بوش بن بوش***** الله خلقنا للمقاريد سلطه
وأبوي عنده للرجاجيل دنبوش***** كم واحد شلنا فلوسه ونفطه
بلير :-
أبوك والنعمين مير انت مربوش***** تموت بالبترول وتحب شفطه
صحيح عندك مال وسلام وجيوش***** مير اتوقع لك تدهور وسقطه
بوش :-
يابلير كانك خفت يوم احتمى الهوش***** حرام ماتاخذ من النفط نقطه
قبلك ترى شيـــراك قد راح مكروش***** شوفه يصرح كل يوم بمحطه
بلير :-
وراك ماتعطـــي لشيـــراك عرموش***** تراه مشغلنا بشيله وحطه
وليا انتهى موضوعنا نرسل طروش***** ونجمع المبلغ من الربع قطه
بوش :-
شيراك هذا عنده الفكر مغشوش***** فرط علي في مجلس الامن فرطه
يدزه اليابــان والصيـن ويطوش***** ومجهز الفيتو لتحقيق شرطه
بلير :-
يابوش انا مرهق وخايف ومدهوش***** وانته تقول الحرب خدعه وخطه
أسراي واسراك أمتلا منهم الحوش***** عز الله انه صابني منك جلطه
بوش :-
ماقلت لك كـــــم فيه إذاعات ودشوش***** لاتكشف المعنى وانا اقول غطه
وان قالوا انا علوج واصحابنا جحوش***** ماهمنا الصحاف واللي يحطه
*7 الهارب من القانون الفزعة ياشباب الشرطة
العرض الشجري
