مواقف البنات بيوم الشوفة ...

جــنـووط · 29-10-2008, 08:16 PM

مواقف البنات بيوم الشوفه ؟؟؟؟

--------------------------------------------------------------------------------

::::::مواقف البنات بيوم الشوفه::::::

تقول وحده :

انه يوم جاء يشوفني خطيبي كنت لا بسه تنوره ضيقه ونصحتني أمي إني ما البسها ولكني عاندت وقلت ألا بلبسها ويوم دخلت وسلمت وجلست ولا اسمع صوووووت تششششششششششش وإلا التنوره انشقت من ورا

يالله وش أسوي ؟؟

جلست وأنا أقول لنفسي يالله وشلون بقوم ؟؟!!

وخطيبي جالس ماقام (( مستانس وش وراه )) وأبوي يناظرني والشرر يتطاير من عيونه وياشرلي عشان أقوم وأنا خلااااااااص لازقه في الكرسي وما اقدر أقوم لو قمت بتطلع بلاوي ..

وطبعا أختكم في الله جالسه ومنزله عيونها في الأرض وكنها ما تدري عن أبوها ذا ألي يأشر صارله ساعة وفي الأخير قام أبوها وقال للخاطب بطريقه لبقه انتهت الزيارة حياك الله ويوم طلع

فشششششششششششششش على غرفتي قبل لا يشوفني أبوي ويأدبني ....

والثانية تقول :

أن يوم دخلت بالعصير وقدمته وتأخر خطيبي في مد يده عشان ياخذ العصير فظنيت انه مايبي فمشيت مســـــــــرعه بالصينية وهو يقول ( لحظه .. لحظه .. أبغى واحد لو سمحتي )) ..

والثالثة تقول :

يوم دخلت أشوف خطيبي ومعي صينيه العصير تفجأت فيه يصرخ بقوه ( مشاء الله مشاء الله ) وقام وقف قدامي وهو يردد(( مشاء الله مشا الله)) أنا ارتعت وش ذا المهبول قمت أصارخ وطلعت أصيح وجاء أبوي وجلس يحاول فيني ادخل مره ثانيه وبعد ما طلعت روحه دخلت وجلست بعيده عنه وهو مازال يردد بصوت واطي (( مشاء الله مشاء الله ))

والرابعة تقول :

أن من عاداتنا أن الخاطب ما يشوف خطيبته إلا بعد عقد القران ولكن يوم خطبني صديق اخوي أصر انه يشوفني فدخله اخوي في المجلس وكان شباك المجلس يطل على الحوش وحط المقاضي في الحوش

وناداني (( يافـــــــــلآآآآآآنـــه تعالي شيلي الأغراض ))

جيت وأنا لابسه قميص البيت وشعري منفوش (( يعني وحده في البيت وش شكلها ؟؟!! ))المصيبة ميب في ملابسي ولا في كشتى المصيبة إني جيت افحط بالعربية

واخوي يحاول يهديني ويقول : (( يافــــلآآآآآنـــه أعقلي , بشويييييييييييييييش )) وأنا ماعطيته وجه جالسه افحط وفي الأخير قال الرجال ما ابي ألا هذي لأنها خفيفة دم ..

وتقول أخرى ,,

جا خاطب ودخلت وابوي جالس قدامي وعشاني اناظر بالارض جت عيني على جزمة ابوي الله يكرم السامعين والا ابوي الله يخليه لابس كل وحدة شكل لا واللون ما يقرب لبعض ويمسكني الضحك وعاد لما يمسكني انا خلاص الدنيا كلها ما تسكتني

طبعا ابوي انصدم والخاطب انصدم اكثر ولولا ما ابوي احب اب بالدنيا كان اكيد عطاني مية كف بساعتها بس انا طلعت وابوي طلع وراي وقلتله ليش اضحك وسامحني ورجع اضطر يقول للخاطب ليش اضحك عشان مشاعره مسكين الرجال يمكن حسب اني اضحك عليه

لا تحرمووني من ردودكم ..

%فزولها% · 29-10-2008, 11:59 PM

ههههههههههههههههههههههههههههههههههههههه>>يحرام الله يستر ويعديها علينا
مودتي

$$$المهاا$$$ · 30-10-2008, 12:33 AM

هههههههههههاي
الحمدلله انه ماعندنا الشوفه الشرعيه ولاكان رحنا وطي
مافيه الايشوفها يوم عرسها تبي ولا توكل على الله
تسلمين
دمت بود

رومـنـ ـ سيـ ـه · 30-10-2008, 09:24 AM

والرابعة تقول :

أن من عاداتنا أن الخاطب ما يشوف خطيبته إلا بعد عقد القران ولكن يوم خطبني صديق اخوي أصر انه يشوفني فدخله اخوي في المجلس وكان شباك المجلس يطل على الحوش وحط المقاضي في الحوش

وناداني (( يافـــــــــلآآآآآآنـــه تعالي شيلي الأغراض ))

جيت وأنا لابسه قميص البيت وشعري منفوش (( يعني وحده في البيت وش شكلها ؟؟!! ))المصيبة ميب في ملابسي ولا في كشتى المصيبة إني جيت افحط بالعربية

واخوي يحاول يهديني ويقول : (( يافــــلآآآآآنـــه أعقلي , بشويييييييييييييييش )) وأنا ماعطيته وجه جالسه افحط وفي الأخير قال الرجال ما ابي ألا هذي لأنها خفيفة دم ..

خخخخخخخخخخخخخخخخخخخخخخخخخخخخخخخخخ ذي فلهـ

>>> عقبال ما افحط عند خطيبي هيك :)

تحيااتي لك