سافرت ليه اتركتني؟ ليه راحت يالجليد؟

[نايف الشريف]

اقتباس المشاركة الأصلية كتبت بواسطة الجليـــــــــد جيت برثي جم حزنك مير مافيني مزيد شفتني راثية حالي من حميم حم بيّه وأتمنى الهم الأول بعد ما همي يزيد وكل هم ضم صدري سم ماهو براس حيه أحرقة محروق فرقى وادفنه في وسط بيد وصرت مرعي والذي مدفون حاكم للرعيه شفت كيف الحب قاسي كيف حنا له عبيد كيف يامرنا وحنا معه في روحة وجيه كيف تاخذني لضنك وهم ياعقلي الرشيد كيف ماانسى ,, اوهي نعمه والنعم ماهي بليه آآه يانايف وقلبي ضاربة رمح سديد ليته بيمنى رجل والله فلا يقدر عليه ايه قلبي من حديد ومايفكة الا حديد هو ضرب نفسة بنفسة زعزعه مني وبيه وافي وباكي وراثي ولكن !! ووشو الجديد الجديد فنون تعذيب وتعذيبي عليه أنت راحت للسفر وبترجع بعود حميد ولا انا خلها بعلمي وعلم خلاق البريه نايف الشـعر بوحك لايجارى أردت أن أرد بهذة الابيات بلحظتها تقبل تواضع مادوّنت وتواضع مروري رائد النايف

قلت ياعبدالمعين العون مدري إنك تريد=عون وانته يوم جيت اشكي ترجع لي الشكيـّـه
هات علمك دام تشكي تاخذ العلم المفيد=القلوب اليوم راحت بين ذيك وبين ذيــّــه
صار جرحك فوق جرحي واثرها الدنيا عصيد=يازمان ٍ قد بلانا كاثره فيه الاذيــّــه
صرنا صيد ٍ للعذارى يوم نحسبنا نصيد=راح صيد ايام كنا ظاهره فينا الحميــّــه
ياجليد اشبك عليها لاتجي في درب غيد=لاتحب اليوم غير اللي تبدي لك ثنيــّــه
خلها لاجات دربك والحذر عنّه تحيد=وثق الدرب وحذاري لا تطيّحك المطيّه
وإن تحلل قيد قلبك عيد فالقيد إستقيد=وثق البنت ونصيحه لاتفرّط فالصبيّه
والحذر لايوم فكره ترشدك منها استفيد=بالشرف عشرة هواكم لاتجي فيها الرديّه
هذا علم ٍ من صليب الراس ابوالراس العنيد=مير كفه فالمحبه مزهره دوم ونديّه

ابدعت اخي الحبيب في الله
الجليد
بوحك رائع
وحقيقة كم كنت اتمنى ان ننهج مثل هذا النهج
خلال تواجدنا في منتدى الروعة الود
فهكذا يزداد السمر انساً وتتقوى العلاقات الاخوية بين اعضاء

همس الود
همس القوافي

لك كل التقدير والاحترام