يالله حيهم أشتقت لكم
أحم أحم.. كح كح
ادري انكم تقولون وين طلعت ذي معه غبار؟؟
سقا الله ذيك الأيام يوم اني صقيقتكم
من بعدكم مالي وليف
<<--- فاهمه الموضوع غلط
ممكن نرجع أصدقاء من جديد؟؟
تراني أكوس صقيقه
معكم في السعه والضيقه
بس قولوا تم
أنسيكم حليب الأم
<<--- تسمع بالوزن
طع طاع طخ
وش فيكم لاتخافون؟؟
هذي امي مداهمتني بغرفتي
كل يوم اقولها يااميمتي طقي الباب
افرضي إني ابدل ملابسي
واخزياااااااااه
قالت لايكثر بدلي جنب الدولاب
وتعددت الأسباب
وامي مو معترفه بطق الباب
مليت من هالحال!!
فقررت اعرس على رجال!!
يازينهم شباب الود كل واحد ينطح الثاني
يقول الزين عندي والشين بعدواني
لاتقولون بالمشمش ياقمر
ترى من صبر ظــفـر..
و لا&مت ياحمار لين يجيك الربيع..&
إن مازوجتوني بأصيع..
والذنب في ذمة الجميع..
وسلامتكم
.......................
وسيم , طول شوي ,عضلات,اسمر شوي،متين شوي
على من يجد في نفسه المواصفات أعلاه
يمد لي يمناه
ياجعلي فداه
ما أبي طقاقه ولا زواج
يكفي إنه حكم لي بالإفراج..
<<<اثقلي يامال الصلاح
>>>الحاله صعبه متى ارتاح!!
<<<بيقول اكيد انك شينه
>>> لاشافني بيقول زينه!!
،،،،،،،،،،،،،،،،،،،،،،،،،،،،،،،،،،،،،
نرجع لصلب الموضوع
بما إني على أعتاب التخرج
والي مايشتري يتفرج
مافي وظائف
والجو كايف<< من جنبها
ولا قلت لأبوي بتوظفني قال عساي
اوظف اخوانك عشان اشقى بك!!
وارتفع صرااخ الوالد وقال خلصي دراسه وتعالي تكلمي
<< قهر مالي سند
>> لايكثر ماحولك أحد
فمالي مهنه إلا التفكير بولد الحلال
لإن وقتي بحاجه لإشغال
ع قولة وحده من البنات
<< ابد موب انتي
ياليت الرجال ينباع واشتريه
قلت يابنت وش الحل؟؟
تحطين يدك ع خدك وتحترينه
صح موب من زينه
بس ابيه بزينه وشينه
بقرمبعه وخلاقينه
مليت كل يوم لحالي
اسهر طول الليالي
واردد موالي
متى أنام والاقي الغالي؟؟
<<== بتنطرد افزعوا لها هالظريفه
ترى المقاصد شريفه
شرع الله ياجماعه’’!’’
خطرت ع بالي فكره جهنميه
لاتصدر إلا من أرق وأحلى بنيه
<<== لاتذوبين يابعدي
قلت بإسم الدميقراطيه
والحريه الشخصيه
بأصارح أبوي
عن طموحاتي المستقبليه
الى متى وكل ماتقدم لي واحد تعذر ابوي بأعذار مثل ركبته!!
مره يقول خكري
ومره ناعم
ومره يروعك وش كبره يابنيتي
ماعرفنا لك ياخي
>> بدت تموون
<< وش دخلك انا اللي بأعرس وإلا أنت؟؟
المشكله حياء العذارى يمنعني!!
اخاف ارد عليه يصفقني!!
وفي يوم من الأيام طفح الكيل
اللي صبرت عليه مو قليل
ابوي معرس على امي وفالها
ياعمري يا انا عايشه لحالها!!
قلت بألمح لأمي غديها تفهمني وتضبطني مع أبوي
أنا ×× يمه بصراحه يقول المثل اللي تستحي منه بده‘‘ المثل مال أمه دخل‘‘
أمي~وش فيتس؟؟
أنا ~ ابي أعرس مليت مني طاقه معطله<<لطفا أيها الداشر بالمعنى لاتفكر’’كي لاتتدهور
أمي~ هذي الساعه المباركه يابنيتي
أنا~ ياليل الليل داريه انها مباركه بس تبي لها مشاركه
ابوي محجر لي مايعجبه احد
حتى مره قلت له صراحه يبه انت تشوف نفسك أحسن واحد
قال إيه وانا أحسن واحد<< حاله ميؤوس منها
أمي~ ابوك ابخص بعلوم الرجال
أنا~ والله مادرى بالحال
أمي~ اهل الحياء ماتوا!!
أنا~ الله يرحمهم ابي اكمل نص ديني!!
أمي~ توك صغيره عمرك 19وشو له تعرسين؟؟
أنا ~ بذمتك ذا سؤال تسألين؟؟اماه ازهار العمر في ذبول,,
أمي~ لاحول ,, لا حول!!
أنا~ يمه ماتحسين فيني من يوم عمرك 16 خذك ابوي ع الحصان الأبيض
أمي~ لاوالله ع الجمس الأشهب
أنا ~ العوض ولا القطيعه للصبر آخر زوجوني ولا بأنحرف قصدي انتحر!!
أمي ~ تعوذي من إبليس وكلما جاء ع بالك موضوع العرس توضي وتسنني ركعتين
أنا~ وش دعوه يمه تراه نصفي الآخر مب إبليس
أمي~ من الحين لين يجي نصك ضفي وجهك
أنا~ طيب يمه أكتشفت شيء بصراحه تخصص دراستي مب ميولي
<< تلمح تبي تعيد السنه عشان ماتنطق بالبيت
أمي~ طايره بوهتها بعد 4 سنين توك تكتشفين!!
أنا ~ طيب طيب لاتدفين!!
واستجمعت قواي
وقررت
ارووووح لأبوي
وتوجهت له طيرااان أسرع من بدوي معزوم ع العشاء
واشوفه متمدد ع كنبة الصاله بقميصه المقلم
<<زي الشياب المفضل>>
ويطقطق بالريموت
ويشرب لبن
كالعاده يتجول بين خمس قنوات
الجزيره
العربيه
cnbc
وده بـ ابو ظبي بس من خسر الفراعنه شالها من القمر الصناعي حق بيتنا
وإن خربها mbc
وانااسترق النظر
عيونه فيها شرر
ولا افاتحه بالأمر
مشيت بهدوء
وتأنِ<<== اتحداكم تعرفون معناها
أنا// حيا الله أبوي الحنون
هو// وش عندك فعيونك كلام<<== ياعيني ع الأسلوب!!
أنا// سم هه وشو لا سلامتك بس كنت بأعزمكم ع العشاء !!
<< ابيها لي صارت علي
هو//ماشاء الله عطوك المكافأه؟؟
أنا// لا على حسابك!!
هو//اقول ياكريمة روحي سوي شي انفعي عمرك!!
أنا// طيب بشرط اذا تخرجت تسوي لي بــارتي؟؟<< مسويه دلوعة بابا
هو// اقول لايكثر انجحي لنفسك وش دخلنا فيك؟؟
أنا// ليه تحرمني الفرحه والزغروطه؟؟
هو// ترى بأصكك بالريموت من تالي منتب مضبوطه!!
<< يصرف السالفه
وارجع لغرفتي..خانقتني عبرتي
واكلم صقيقتي
واشكي لها الحال
قالت وش لم المتعوس ع خايب الرجا!!
لترتفع في اعماقي صرخه!!
تكاد تصيبني بالقرحه!!
ياربي متى الفرحه؟؟
&&&
مايستفاد من خرابيشي
برجل ولا بدونه عيشي!!
نداء إلى التماسيح
إنكم شر لابد منه
لكننا
تهيء تهيء تهيء
لانستغني عنه
والعذر والسموحه سبحان الله مايصير في الاجازات والفراغ
اذا ماعجبكم شيء سوو نفسكم ماشفتوه
بس ردوا لو بـــ ’’ شوكرن’’
ترى اصعب لحظات حياتي لاشفت
المشاهده ستين
والردود اثنين!!
في أمان الله..
مت ياحمااار لين يجيك الربيع .. زوجوني ولااصيع
العرض العادي
