الرايقه والنت ...... الجزء الاول 000
سلااااااااااااام على الناس الرايقه 000
هلا وغلا فيكم حبايب قلبي والله اليوم شفت نفسي رايقه حيل يعني تقدور تقولوا عيار الروقان عندي زايد حبتين هههههههههههههه قلت يلا مافيه غير منتدنا العزيز اروح فيه وانزل هالحبتين اللي في راسي عشان ارجعه رايقه وبس من غير حبوب
وجيتكم ومعاي يوميات الرايقه
وش تبون من سواليف ترى عندي منها كثير
وش رايكم نبداء بسواليف بدايات النت كككككككك وربي ايام و ناسه ا لواحد داخل النت مايدري عن ربي وين حاطه
*** اليوم الاول ***
اتذكر اول يوم لي بالنت جلست 12 ساعه علىالجهاز يؤيؤيؤيؤ بدويه وطبت في تمره اهلى ناموا وقموا من النوم ويبون يرجعون للنوم وهذي ابد لصقه مبقق عيونها في هالجني مافصلت الا يوم جاني ابوي وقال يا بنت يلا قومي والا ترى اشيله مره وحده قلتله لا تكفى يوبه حبيته من اول نظره قلي منهو هااااااااااااااا ؟؟؟؟؟؟؟؟؟ وكانت الرايقه راح تروح فيها وتصير المرحومه
قال منهو هذا يا بنت ( عاد تدرون ليه ابوي علق علىالسؤال يسمع من اصحابه ان النت كله شباب وترقيم ومن هالسوالف ) قلتله لالالالالالالا يوبه وش فيك انا حبيت النت من اول يوم خلاص مقدر تكفى الحين اقوم قال طيب اشوا بنت ديري بالك فاهمه قلته ا فا عليك بس يوبه بنتك تراها صقره يؤيؤيؤ وشلون تجي صقره وقطوه مشي مشي
*** اليوم الثاني ***
جاء ثاني يوم وانا على نار نوم مافيش احلم بالنت والمواقع والبطاقات اول ماقمت من النوم على طول طق الجهاز مابعد غسلت خشتي ولا اكلت ولا شي المهم يلا هاتي مواقع خلوا بالكم اختك في الله لسا ماعندها ايميل ولا ماسنجر ولا هالعلوم الزينه يووووووووووووووه مافيه غير المواقع والفرفره وبس واقراء واقراء واقراء كني عمري بحياتي ماشفت حروف وارقام وطبعا كمان جلست مابين 12 الى 10 ساعات
*** اليوم الثالث ***
جاء ثالث يوم والرايقه خلصت مئة موقع عربي كانت ما تعرف غيره ارانك يؤيؤيؤيؤ الحين لي فتره مازرته كبرت على بالي
المهم مالكم بطولت سواليف الرايقه جيت على موقع لقيت مكتوب شات وش شات هذي يعني ايه وربي ماني قايله وش فكرتها المهم يا بنت انقري هنا شوفي وش فيه
هب طلعلي مربع يقول ادخل الاسم المستعار يعني ايه ؟؟؟؟؟؟؟؟؟ يلا اسم مستعار اسم مستعار تدرون وش حطيت ؟؟؟
ماراح تصدقون وش حطيت اسم
طبعا اسم ولد على بالي اني لو حطيت اسم بنت خلاص راح يعلمون ابوي والناس كلها راح تعرفني قلت ادخل باسم ولد ويلا دخلنا والا عيني تشوف عجبالشبح : مرحباااااااااااااااااااااااااااااا
عاشقه: يا هلا وغلا
العنيد : مراحب يالحبيب
بحر الشوق: من جده وانت من وين المجروح : والنعم
الشبح : كم عمرك ؟
الولهانه : اقول ترى نكتك قديمه
الخ
الخ
الخ
وانا ساااااكته يا ربي هذولي يكلمون مين وكيف كذا داجين بنات وعيال مالت حتى مالت من جد جديده علىالنت المهم جلست شي نص ساعه اتفرج ولا كلمه كتبت اصلا ماعرف وين يكتبون
شوي طفشت وخرجت ورجعت للفرفره ثاني بين المواقع ولقيت موقع ثاني وفي شات بس هالمره اعرف يعني ايه شات ههههههههه تتطورت منفوحه قلت ادخل واشوف والله نفس النافذه والنفس اكلام
من وين ؟؟؟؟
كم العمر ؟؟؟
والنعم
ماعليك زود
ثقيل كليش ممكن مواقع ......ممكن كيف احمل برنامج ....يؤه مره غشيمه ممكن كيف اعمل بريد... ياساتر حتى هذي ماتعرفينها عاد هالمره دخلت باسم بنت عشان يعطوني وجه المره الاولى ماحد عبرني ولد ابو شنب ماحد يكلمه مسكين المهم وهاتي اسال والله مايقصرون بس اختكم جديده وطفشتهم وماتفهم مررررررررررررره
شوي قلي واحد طيب تعالي برايفت خخخخخخخخخخخخخخخخ وش برايفت ؟؟؟؟؟؟؟؟ لله من الفشيله قلتله كيف؟؟؟
طبعا جلس يضحك ساعه علي وقال يعني خاص.
قلتله لا عز الله فهمت يعني ايه خاص
ومات من الضحك علي مرة ثانيه
عاد انا زعلت وخرجت من الشات وجع جالس يضحك علي ماجابته امه قم بس قم مابي منه شي ورجعت حليمه لعادتها القديمه فرفره طيب بس ودي اسوي ايميل مصره مدري ليه
المهم مر شهر والرايقه على هالحال تدخل تفرفر تتصفح وتقراء الاخبار وكلها لاهلي اليوم شفت!!!!!!! اليوم قريت !!!!!!يقولون بالنت!!!! جنتهم
من غير سالفت الطباعه خلوها على جنب كل شي اشوفه يعجبيني اعطيه طباعه خلص الحبر قلي ابويه انعنبوا دارك مافيه حبر وشال الطابعه كلها للحين ماعندي طابعه
*** بعد شهر ***
عملتلي ايميل لو تدرون وشلون تموتون من الضحك ككككككككك
خلوها في الجزء الثاني
سلملم
تحياتي لكم
اختكم المحبه دووووووم
وهذي صوره لي وانا نايمه على الكيبورد ههههههه مدمنة نت (التي في اعلى الصفحه )
العرض العادي
