كلام عني بصراحه مودي اقوله بس ابغى افضفض لناس ماتعرفني!!!!!

[moro]

مره كان اثنين من عيال خالي خالد اسمائهم تركي وثاني عبدالله كانوا عندنا نائيمين بالملحق ومعهم اخوي فهدالكبير

الشاهد في القصه ان مركز الشرطه قريب مره من بيتنا وحنا ابواب بيتنا دائما مفتوحه مستحيل

تتسكر ابوي يضيق إذا تسكر الباب

الي يبغى يسافر من اصدقاء ابوي او اخواني اوجماعتنا يجي يلبق سيارته داخل بيتنا <<<<<<<<<<<مصدقين الله يصلحهم ان بيتنا سرداب

تصور الحين المشهد:

انا كنت سهرانه في غرفتي مامعي احدى>>>>>>>>>وحدها تبغاكم ترحمونها وكنت منبطح على سريري تواسيني مجلة لها كانت الساعة اثنتين بالليل

واخوي وعيال خالي نائيمين ذا دببه

انا قلت لكم مركز الشرطه قريب من بيتنا المهم ذاك اليوم كانوا الشرطه ماسكين واحد حرامي وبعد ازيد لكم بيت من الشعر مو أي حرامي

حرامي محترف سارق بيوت حي النسيم كلها هو سعودي وعمره يمكن حدود26

المهم لما جاءوا ينزلون هالأحرامي من السياره ماكانوا مكلبشين على يداينه ولا على رجلينه

وش سوى هالحرامي طويل العمر قام ركل ورفس الشرطي وولاء هاربا الله يصلحه

طويل العمر وين دخل !

دخل بيتنا وسكر الباب وراءه >>>>>>مسوي يعرفنا طويل العمر

بعدين فتح الباب على عيال خالي وينط ولد خالي الي هو تركي الا ويسكر الحرامي الباب وراءه

رجع ولد خالي ينام ماتوقع انه حرامي قال يمكن احد او اثنين >>>>>>>>>الله يقطع هالدب

على باله خفيف دم

الحرامي وين راح نط على بيت الشعر وعلى طول على المظله على باله الخروف انه الحين

متخبي

الشرطه دخلوا مع الباب الثاني >>>>>>>>>>ابوي مايسكر إلآ الباب إلي من جهة الحريم

أما حق مدخل السيارات ومدخل الرجاجيل هذي من سابع المستحيلات تتقفل

يوم دخل الشرطي إلا ويفتح الباب ثاني مره على العيال وهم نائيمين وينط ولد خالي إلا هو

تركي ثاني مره

أما دلخين اثنين اخوي ولد خالي الثاني في سبات عميق ماهم يم احد ولااثنين

يوم شاف ولد خالي الشرطي ارتاع قال: له الشرطي مافي احدى دخل عليكم قال إلا بس

مامداني اشوفه >>>>>>>>>عاد يوم يعلمنا ولد خالي

عاد انافي بالي اقول اكيد ان الشرطي قال الحين يالكمخه تشوف واحد دخل البيت ولاتدري منه

وتخليه يتمشه يامال الوجع

بس تصدقون الخروف خروف مستحيل يفهم ويصير تمساح <<<<<<<<<<وكخ كخ كخ

ياعمري احس قطعت ولد خالي يابعد سبدي ياتروكي

المهم صارت مطاردات في بيتنا عنيفه بين الشرطه وهالحرامي فوق المظلات عاد يوم صعد

الضابط يلحقه قام رفع السلاح ورامه مع رجله

علشان كان ناوي يطمر هو وجه هالخروف على بيت جيرانا

((((((((( وهنا ركزوا معي )))))))

يوم الضابط يرمي عليه كان الضابط جانب شباك غرفتي وانا كنت توني نائيمه

تصدقون اني ماسمعت طلق الرصاص قسم بالله وربي حتى يوم قالوا لي انه رامي من يم

غرفتي ماصدقت

جاءت عاد اطلقه في رجله المسكين

تصدقون عاد اهلي ماحسوا بكل هذا الي صار يوم قاموا يصلون الفجرعلمهم ولد خالي وراحوا

بعد الصلاة يشوفون الي مسوي نفسه يعرفنا منذوا مبطي

ماشاءالله على اهلي مايقومون إلا لصلاة الله يحفظهم


عاد يعلمني اخوي الصغيرفي الابتدائي اسمه يوسف يقول يشبه ممثل انا احبه اتوقع اسم هالممثل خالد البريك مدري عاد نسيت اسمه <<<<<صج ماعندي سالفه في الحب

انا احب بس شهر او شهرين ثم اسحب على الي احبه <<<<<<<<<<والله احس اني غشيمه في الحب ولا اعرف حتى تعريفه
يوم علمني اخوي ونقهر قلت امانه يشبه خالد البريك <<<<<<<<<<<اقول في نفسي ياحسافه لو اني عارفها كان يعقبون يمسكونك حبيب البي والله

كان نحشته مع أي باب او اخبيه في مزهريه او دولاب يعني بدبر صرفه
بس يالله تجري السفن والبحر عميق

اكمل السالفه الضابط الي رم السلاح ممنوع يرمي سلاح بدون اذن وبعد في بيت يرميه مشكله

الشاهد ان اخوي متمشكل هو وهالضابط وقال فرصه ارفع عليه قضيه بس رفض ابوي

عاد وش سبب المشكله اقولكم الحين

مره واخوي فهد الكبير واخوي محمد اصغر منه في الجامعه كانوا راجعين من المسجد إلا والبحث

تطبق عليهم وتحوطهم <<<<<<<عاد اخوي محمد ادلخ يقول كانه مثل هالافلام يوم يحوطونا

البحث يعني هادلخ يقال له عجبته الحركه على باله ان البحث بيسولفون معه والله انه خروف مراهق

اخوي فهد ارتاع قال لضابط سلامات قال الضابط : لخوي لاتتكلم إذا صرت رجال بكلامك عاد اخوي يقول له والله الحشمه للنجوم الي على كتفك<<<<<<<<اقول في نفسي طيب يارخمه يعني شاطرعلي بس كان تفلت في وجهه وقلت رجال غصب عنك وعن الي جابك
المهم امسكوهم البحث وركبوهم السياره

جاءوا عيال الحاره يعلمون امي خلاص امي جلست تبكي هي وجدتي وخالتي عاد على بالي ابغى امي تهدء

اقول: يمه عسى واحد فيهم بس هو المروج المخدرات مو كلهم اثنين

عاد تقول لي: امي انطمي ونقلعي من وجهي

بعدها قلت والله الكلام معكم ياهالحريم ضايع <<<<<على بالي ذيبه

قلت خلني بس اتغانم الوقت وفزع بابوي لايودون اخواني سجن حائر عاد وش بيطلعهم <<<<<<عاد انا احاط اسوء الاحتمالات

راح ابوي وطلعهم

صار اخوي الصغير محمد جعله الوجع مسوي على باله راعي فزعات

كانوا اصدقاءه يفحطون يوم جاءوا البحث طلع عليهم وخلهم يصدمون بالزباله واصدقاءه انحاشه

المهم ابشركم اطلعوا اخواني وخذا محمد كم لعط بالعقال وكم تفله من ابوي محترمه

بعدين راح لصدر الحنون امي وحضنته وجلست تبسي عليه وطبطب على ظهره جعله ينكسر<<<<<بسم لله على اخوي استهبل

وبعدها جاء دوري قلت له يادلخ إذا جائيت بتفزع افزع بس لاتورط عمرك ياغبي

وحط رجلي ونحاش,,,,,,,,............ وسلامتكم

انتظرواالمواقف القادمه يامال العافيه
وآسفه إذاكانت هالسالفه طويله بس(( انا حسيي<<<يعني كلامي)) مايخلص وبعدين ابغى ردود حلو <<<<<ه مثل حلاوة مروركم<<<ترى تعبت وانا اكتبها عاد افهموها مال داعي افهمكم زياده