سلام عليكم
مساء الخيـــــر طال عمرك
وشاكر لك مقدمــاً طرحك يالغالـــي
بس ترى انا ضد مبدأ المؤامرات الغربيـــه على العرب والمسلمين
يعني بالله وش عندنا غير هالنفط يتأمرون عليــــه ؟
يرجال الحال كسيفــــه
بس نقول الحمدلله على كل حال
واما عن موضوعك التكاثر
فأنت تتكلم من سعـــه
لكن عندك دول عربيه تقبع تحت خط الفقر ونقول لهم تكاثروا
ياخي فيه دول سكانها فوق 50مليون والفقر لاعب بحسبتها
ونقول لهم تكاثروا
وبعدين انت نوهت ان بعض الناس يتكاثرون بطريقه خطا (:
يعني والله عندنا واحد بتبوك
مايعرف عياله
وهذي قصه طريفه ومحزنه بنفس الوقت
حصلت بتبوك وبالتحديد بشرطة السليمانيه
رجل عنده عيال (( ماشاء الله تبارك الرحمن ))
فوق 25 نفر
واحد من عياله الصغار مايتعدى المتوسطه كسر زجاج سياره نزل راع السياره
ومسك الورع
وركبه معهاه وعلى شرطة السليمانيــه
الكلام هذا العصر
ابوه ماجا غير الساعه 11 بس على فكره ماجا لأنه فقده بس عشان جاره قاله والا هو ماهو داري
المهم جا
وجابوا الولد
والله انه ماعرفــه
دارين عشان يعرفه وش قال ؟
قال له انت ولد مين ؟ << قصده مين هي امك ؟
راعي السياره يوم شاف الوضع كذا تنازل عن القضيه وروح
من جد حاله مايعلم فيها غير الله
عشان كذا اللي ربي معطيه سعه بالصحه والرزق (( والعقل)) يتكاثر على كيفه
اما اللي راتبه مايكفيه فوالله لايتكاثر
انا من الناس اللي مؤمن ان رزق الطفل من عند رب العباد
بس لاتظلم ابنائك بظروفك
واسف على الاطالــه اخوي k.aman
شاكر لك مرهاخرى
اخوك
سهرتنـــــــي