ان زعلت ارضيك وكل عمري فداك.. والزعل ما ازعل يالغالي عليك.. لوتطلب عيوني في لحظه تجيك ..
انت اغلى الناس ومن لي في غلاك ..وانت نبض القلب..في الغلا والحب ابد مالك شريك..
ميزك ربي عن الناس وعطاك ميزه و تخص ذاتك وتعنيك.. لك وصوف نادره دايم معاك.. دايم محبوب وناسك تهتويك
**********
مرحبا بالحب كله ...يا مرحبا باللي على البال يطري... ترحيب يفوح بمااي الورد والفلي
يا حياة الروح لو تدري..
بحر حبك فاضت أشواقه
ولك عيوني دووم مشتاقه
**********
علمتك الكتابة كتبت خاين ،، علمتك الصراحة وطلعت جذاب ،، علمتك الوفا وغدرت بيا ،، وحتى بغربتي ما دقيت لي الباب ،،
ما اقول غير الله على اللي ينكر الطيب ،، والذنب مو ذنبك الذنب ذنبي عاشرت ذيب !
**********
أحبك لو تصير الماي وآنا اتوسلك عطشان ،، أحبك لو تصير الموت والتابوت والدفان ،، أحبك لو تصير الليل وآنا لخاطرك سهران ،،
وعيني ما ترف للغير وحق من نزل القرآن ،، أحبك كثر الروح وأغلى من العمر يا فلان ...
**********
مهما تصد أعشقك وأهواك وأغليك
ماهمني رفضك ولا أبغي ردودك
كيفن إذا بمتحن في حال هاويك
وكيفك إذا تبغيني أعاني صدودك
تصد
تبعد
تبيع
شاريك
شاريك
أصلاً حياتي بس مجرد وجودك...
********
لو إلتهينا بالزمن مانسينا ناس عزيزة
والمعزة وهايب إن غاب غيرك يفقد الكون إنسان
وإن غبت عني أفقد الكون كله
كلن يقول إن الوفا صعب نلقاه وأن أقول إن الوفا فيك مخلوق...
*********
من أنا بحياتك؟
مجرد حبيب تسليت معاه وبالنهايه تركته
مجرد ذكرى مرت إبحياتك ونسيته
أو معلم حبيت يعلمك الغرام وبالأخير جرحته
علمتك الحب واليوم روح علم غيري كيف يحبك
بس والله حسافه
********
عجزت أفسر كيف أنا محتاجك
وتعبت أمثل إني بخير وأنا أموت حزه غيابك
الحـب ماهو بالمتاجر يباعي
مشاعر بين النفوس محكومه
ماللزعل ومعاند النفس داعي
محد على كيفه يحقق حلومه
بلهون ياراعي العيون الوساعي
لاتجرح الغالي وعقبن تلومه
إن غبت عن عيني عشقت استماعي
أحرك الهاتف وأدور علومه
*********
عزك
وأعيش بعروق دمك
ولو تقول
السما خضرا
أقول:
خضرا ولايهمك
********
أجيك
مع نبض الهواجيس
أدق بابك والملا نعاس
أطريك
وعيوني مراميس
وأنا ع شاطي الشوق جلاس
كلك
مثل جملة احاسيس
صرت بغرامك نبض حساس
وان مر اسمك في المجاليس
بك افتخر في جلسة الناس
*********
هب الشمال وجابت
الريح ذكرى
ياليت لي ف بال الاحباب طاري
ياما على وصلك تحريت ذكرى
وياما ع طاريك عطرت داري
لمصافحك كفي
من العام عذرا
تغار من لهفة يميني يساري
*******
القمر والكون لو تبغي عطيتك
من كثر ما اغليك اتباها بغلاك
افقد الادراك لو ساعه جفيتك
تسمح الزلات لو قولي خطاك
يا إله الكون من قلبي دعيتك
تحفظ المحبوب ياعالي ف سماك
*********
ان كان بعدك هو نصيبي
ما اريد هالدنيا بدالك
بصبر ع همي حبيبي
لو كان ف بعدك مهالك
وبداوي قلب مستصيبي
اخلص بحبه ووفالك
ومهما عن عيني تغيبي
بعيش اتأمل خيالك
********
كان المسافة ترفض إني أشوفكـ
خل إتصالكـ غصب عنها يجيني
وكان إتصالكـ تمنعه ظروفكـ
يكفي رسايل شوق بينكـ وبيني
وإن كان مالي حظ حتى بحرفكـ
خلكـ بعيد ومسكنكـ وسط عيني!
*******
اتركـ جمالكـ ياحبيبي على جنب
غير الحلا يعجبني بزود طيبكـ
كلكـ على بعضكـ تجنن وتنحب
حظي كبير اللي جعلني رفيقكـ
إن كان حبي بنظر بعضهم ذنب
يامرحبا والله بذنب يجيبكـ
ماقول غير الله يخليكـ يارب
ويعمي عيون من حسدها تصيبكـ
*********
قالـــــــــــــــــــوا :
وش اللي بين قلبكـ وبينه
من حضرته يومه عن الناس ملهيكـ !
قـلــــــــــــــــــت :
العفو عمري رخصته لعينه
وأرمي بروحي له بدرب التهاليكـ
لو قال ابي الاثنتين ماهي ثمينه
أو قال أبي عمركـ وباقي لياليكـ
***********
ليتكـ يا أعز ناسي لنا جار ..
يوم أجيكـ ويوم مثله تجيني ..
وليت المسافه بيني وبينكـ جدار ..
والباب بنص البيت بينكـ وبيني ..
جيتك عزيزه ولكـ مع العز مقدار ..
وأيضاً ماتساوي يالغلا نور عيني ..
**********
غيابكـ يزيدكـ
غلا !
وغلاكـ يزيدكـ
حلا !
وحلاكـ يزيدكـ
دلال !
وكلهم يزيدوني عذاب
***********
تصــــــــــــــــــــــدق
اشتقت لكـ !
أنا أعترف ..
بعدكـ حياتي تختلف
تايه وحيد
أصيح باسمكـ وأرتجف ،
في كل شي أتخيلكـ ..
ومهما تغيب
عندي أمل
بكره تجي وبكل شــــــــوق
أ .. س .. ت .. ق .. ب .. ل .. كـ