تعالي بمسح بكفي دموع الحزن من خدّك = وابصفع في يميني خد منهو يالغلا بكاك
وكل اللي تبين يصير قولي بس وش ودّك = يهون الكل لعيونك وازعّلهم عشان رضاك
انا بـعرف من اللي يوم ظن انه بلغ ندّك = وهذا الي عمت عينه وفكّر يوم يتحداك
ومن ذا اللي ركبه ابليس وحاول ينقلب ضدّك = قسم بالله ياهذا يعاني نقص بالأدراك
وحتى لو غبي لازم يعرف انه مهو قدك = انا بعلمه انه يموت ولايدوس خطاك
بشده بايدي من شعره واقله يابزر حدك = حدودك لو تجاوزها تراني بالقدم بآطاك
ترى لاانته ولاعمك ولاخالك ولاجدك = يساوي ظفرها عندي وعندي ظفرها يسواك
واقول اصحى تكررها ترى والله ماعدّك =ازيلك من على الدنيا ولا اندم على شرواك
والى منه عرف قدره زبنك انت ومسك يدّك = وقبلها ذليل وخر لك راكع تحت ماطاك
وساعتها يعرف شلون يساير مزحك وجدّك = ويعرف قيمة اسياده ويتكلم بادب ويّاك
وهذي فرصه اني بس ارد شوي من مدك = وابرهن لك ولو مره شكثر يابنت بدر اغلاك
انا ياسيدة كوني ارد الكل ماردّك = ولو انسى كل هالدنيا ورب البيت ماانساك
انا لولاي اخاف اللي زرع في خافقي ودّك = لقول انه خلقني بس من شان اعشقك واهواك
العرض الشجري
