كل عام وانتم بخير اخواني واخواتي واتمنى ان يعود عليكم بالصحة
والسلامة حبيت اعايدكم بقلب طفل قلب يعطي بلا حدود
بلا حساب قلب لا يملك سوى الاحساس الصادق
الاحساس المتدفق من غير كذب او تزوير
لانه قلب طفل قلب امير الرحمان
( قلب طفل )
مدري على وشهو تناقشني بحبك
غلطة طفل صارت ولا ابغى الرجوع
ليتك تجي تسئل ورى قلبي يشبك
ماخذ حطب نارك شرايين وضلوع
يللي سكنت بخافقي احلف بربك
عشرة اصابع شفتها ولا شموع
شلتك على متني وغيري لك يذبك
جيتك وفى جيتك دفى جيتك خضوع
افدي بروحي ياالقمر روحك وقلبك
لجلك بعد عامر انا اظمى واجوع
كلي وكلي لا عشق والله يهبك
مثل العيون الناعسة وقت الدموع
من بين يدينيك تحت خلفك وجنبك
في كل حالاتك يجي كلي قنوع
دامك بعد روح الشعور اللي رحل بك
ببقى على وصلك وصل جذر لفروع
وحاسب تجي مره تناقشني بحبك
غلطة طفل صارت ولا ابغى الرجوع
العرض العادي
