صباح الخيــــرات
زمان عن هالمجلــــه بس حبيت اضع بين ايديكم قصيده للشاعر فهد بن محفوظ
الليل ما هـو مثـل الاوّل وقيـده
يا رب تبري من بهالحب منصـاب
وانـك تجنبنـي النفـوس العنيـده
والصاحب النمام وجحود الاقـراب
يا محرم الأزلام فـي كـل صيـده
حرم عليه الحب تحريم الانصـاب
القلب ما ظنّي خلـق مـن حديـده
ياللي دخلت القلب من كل الابواب
لي صاحب ٍ قد علني فـي وعيـده
يومن عرف قدره على كل الاحباب
الله خلق كيده وما اعظمـه كيـده
والله خلق حسنه وانا خافقـي ذاب
احيان اشوف اني سكنـت بوريـده
واشوف كني بعض الاحيان بجراب
اقراه في سطر الـورق والقصيـدة
واكتب دفاتر في محبتـه وكتـاب
السارق النهاب مـن يقطـع ايـده
وانا رضيته سارق القلـب نهـاب
يقول ما سويت انـا اللـي أجيـده
واللي يسويه ..ابشع انواع الارهاب
غيّاب ومقاطـع وعنـدي شهيـده
ويقول لا .. ما ني مقاطع وغيـاب
اوقات اقله عنـك روحـي بعيـده
قصدي اغيضه وافتعل فعلة ذيـاب
يقول روّح .. ويش منـك استفيـده
وبالله دامك طالع ف(سكـر البـاب
سلمت له قلبي وانـا ادري يريـده
ويقول (( يعنّني )) مرده على تراب
كني عمـوده يـوم ثبـت جريـده
والنظره حباله وانا ضلوعي اطناب
ان كـان جنبتـه فقلبـي حـديـده
يحرم عليه الحب تحريم الانصـاب
وسلامتكم
العرض الشجري
