صح الله أبدانك على كل ما فات=يالذيب ياللي مظهره فعل يمناه
ذيبٍ تعلى فوق روس الطويلات=في منزل العِليا على الدوم تلقاه
نسل الرجال أهل الكرم والمروات=ساق القدم للطيب ... بالطيب ممشاه
طيبه مورّث ما حصل له بالأصوات= وكلٍ على ما قيل ... عوّد لمرباه
ياصاحبي ... يأخذ بنا الوقت لفّات=وسيفه قطعنا ... يالخوي ما قطعناه
نشقى ونتعب ... والليالي سريعات=ولا أحدٍ بنا يدري ... على وين مرساه
وحنّا .. لعل .. وليت .. ومتى الإجازات=والعمر يمضي ... خلفنا ما حسبناه
نسعى ندور ... الفايده والمسرات=والكل منا ما بعد ... صاب مرماه
نحسب سعادتنا بجمع الريالات=وكلٍ تناسى الآخره وسط دنياه
هيهات يرجع ماضي الوقت هيهات=وما قدّر المولى على العبد سوّاه
وختامها منّي سلام وصلوات=على الرسول أعداد ما حيٍ أطراه
العرض المتطور
