ابن الغليسي هاض زين المغاني
ماكان في صدره لمى ضاق قاله
ياالله يالمطلوب يالمستعاني
ياواحد كل الخلايق اتساله
ترفق بحال العبد يابى ا لحساني
تكشف مصيباته وترفق بحاله
لكون مانبغى حصل بالتماني
كلن تمنى له على شف باله
لاشك ماقدر لي الرب جاني
ماقدر الباري على العبد جاله
يالكيف انا وياك كنا اخواني
واليوم كلن راح منا لحاله
حر الجفا يالكيف منك وزاني
وراعي الجفاخطرتباعد احلاله
فردت القهوة عليه قائلة:::
يبن الغليسي هرجك الي لفاني
ذي بندقي في الحق عندك اعداله
احفض كلامك والزلل في الساني
احذر علينا من كلام الرزاله
ودي نوقف عند شيخ بياني
وكلن يورد حجته بالوثاله
والكل منا فوق هرجه يثاني
ولاخير في اللي مايصدق مقاله
ضيعت ماقد فات ماضي الزماني
وفضحتني بين العرب بالعماله
والوقت الاول بدله وقت ثاني
وبدلت درب المرجله بالجهاله
فنكان تنساني فغيرك شراني
كل ابلج يزعم ادروب الرجاله
يشري على شاني خصال ثماني
نجر ومحماس وغالي دلاله
ويشري الفناجيل النضاف الصياني
ماكان يصلح للرجال اعتنى له
ويشري معى ذى الهيل والزعفراني
وعود من المسمار للي اشتهى له
في الليل اشب النار للي بغاني
وان جا النهار ادعي لهم بالضلاله
ثم رد عليها قائلا::::::::::
يالكيف انا وياك مثل العواني
ولافاز من تطعن يمينه اشماله
يالكيف عندي لك كلام اسماني
خل الكلام الشين يقعد ابفاله
يالكيف انا ماني يلاش اهداني
يبرك الى كربت مرابط احباله
والطيبين اللى وزاهم وزاني
مرتهم الدنيا على كل حاله
واللاش ماهميته اللى قفاني
امضيع المعروف ناسي الجماله
لي بان له عندي لزوم نصاني
وقام ايتمدح لي بحاله وماله
فلي اغتنى مني نكرثم نساني
وقال ابعدو مني مضيع حلاله
ثم ردت عليه
ياخوي ماينفع كلام الفهاني
واللاش ماينفع ولي كثر ماله
والضفر يبدي في الغبى والبياني
والاش لايبدي ولاينبدى له
وسلااااااااامتكم جميع
*6 *6 *6 *6 *6
العرض العادي
