السلااااااام عليكم أولا كيفكم شبيبه وصبايا
حبيت إني أقدم شي يضفي عليكم روح المرح ويعززها عندكم
بصراحه هي عني أنا والوالد وسالفتنا سالفه
لكن اتركم مع القصه
...
...
...
...
أنا بصراحه يوم كنت صغير أو بالأحرى يوم سجلوني بالمدرسه سجلوني مغصوب وودي أعرف أحد سجلوه أهله بالمدرسه وهو مو مغصوب
المهم مالكم بالطويله أنا كنت ولد صغينون فطفوط حليوه والشعر دويره ههههههه دويره يعني ناعم وداير على وجهي
سجلوني أهلي بالمدرسه واللي وداني للمدرسه أبوي(ابوي من الرجال الكبار اللي مايتحمل حنه ورنه وانتظار ولجة بزارين لأنه من شيباننا القديمين الله يعطيه طولة العمر ووالديكم والمسلمين) وطبعا تعرفون أجواء أول يوم دراسه وجوه جديده والمدرسين يتمسكنون هههههه عشان نسلى معاهم لين ينكشف غطاء الرحمه عندهم مع أحترامي للمعلمين اللي معانا
المهم نرجع للموضوع وداني ابوي وكنت خايف مررره من الناس والاجتماع والاختلاط بناس جدد لقيت أول صديق عرفته بحياتي واستانست وابتسمت وهو ابتسم بوجهي وكان جاي لحاله وكان الوضع عنده عادي لكن انا مدري شفيني كني وحش اللهم ياكافي مابي احد كنت وعلى مدى ساعتين كنت ماسك بثوب ابوي من ورى ولا ابي اتركه رغم انه يتغيفلني بعض الأوقات عشان يروح لشغله الا إني ماسكه بقوه (مجوده) مسوي ذكي أخاف يروح ويتركني
المهم قعدنا عند مدرج المسابقات
وقالي ابوي:اني بروح أفطر وأرجع لك لأني ياوليدي ماأفطرت وأنا صدقت من الهباله
ويوم طلع خبري راح يجيب فطور شفتكم ولا شفته بسم الله على ابوي أقصد انه الى يومكم هذا مادخل مدارس وكان يمشيني على قد عقلي عشان أسلى مع الطلاب والى يومكم وأنا أتكفخ بالمدرسه أمحق سلوى
المهم القصه والخلاصه والزبده مو هنا أتذكر أنه دخل للمدرسه من بعد ماقالي بروح أجيب فطور بأربع سنوات أو بالتحديد خمس سنوات يعني يوم كنت بصف خامس ابتدائي لكن أعلمكم سبب دخوله للمدرسه طبعا الطفل البريء اللي هو انا ماكان يحب المدرسه وجاء يوم من الأيام كنت أبي أغيب ومحتاج للغياب ماكنت مريض ولا هم يحزنون
لكن تمسك مع البزارين مسكه بعض الأحيان أنه وبدون أي سبب يقول أبي أغيب وأنا قلتها مره
وقالت أمي أقول:قم رح للمدرسه لاتروح من شوشتك الحين
المهم بعد تسحب ومماطله رحت وغصب على فرك خشمي وداني ابوي ويوم جت الفسحه بعد بداية الدوام بثلاث ساعات اكتشفت انه فكرة الغياب ماراحت أخذت شنطتي وتسحبت من بين المدرسين والطلاب لين طلعت وحتى وقتها كنت أمر من عند الكشافه أيام الكشافه وأنا مسوي روحي مريض كنت أمسك بطني وامشي شوي شوي <<<مسوي ذكي
ويقولون:هذا شكله مستأذن خلوه خلوه
المهم طلعت (للحريه) اللي هي الشارع وأنا متجه للبيت لقيت الطامه الكبرى لقيت أبوي واقف قدامي وجها لوجه عند محل
قال:ولد خيييييييييييييير وش مطلعك أنت ووجهك
قلت انا:بكل برااااءه أنه اللي شاطرين يطلعونهم قال ايييييييييييه وانت شاطر ؟؟؟؟
قلت أنا:ايه
قال:وش مسوي من شطاره؟؟؟؟
قلت: إني حليت الواجب وحفظت النشيد وجاوبت على المدرس
قال:اييييييييه شاطر تستاهل الطلعه
تعال تعال شيل معي وأنا أبوك الأغراض حطهم بالسياره عشان نوديهم للبيت..
قلت سم وأبشر يبه
يوم حملتهم قعد يتمشى فيني شوي يعني عشاني شاطر خخخخخخخخ ورجعنا للبيت على أذان الظهر المهم وأنا أنزل الأغراض من السياره للبيت مر أخوي الكبير ومعاه دروسه شايلهم ويبي يدخل للبيت
قال:أبوي ولد
أخوي: سم يبه سم..!!؟
أبوي:ليش ماصرت مثل أخوك شاطر عشان يطلعونك
قال: نصااااااااااب أنه هاج من المدرسه
هو قال هاج
وعينك ماتشوف الا النور والغبار والعقال يطلع وينزل واليد تروح وتجي والصراخ على مسمع الناس
وقال: شغلك مو هنا شغلك بكرا بالمدرسه واتذكر ذاك اليوم أول يوم أواصل فيه مواصل مو من الوناسه مواصل من الخوووووف والرعب
المهم يوم رحنا للمدرسه وعقابا لي رحت طقيتها كعابي
ويوم وصلت للمدرسه والا أبوي عند المدير قال ابي أدخل الصف معاه قال المدير تفضل.
دخل وراي للصف اللي كان وقتها عندنا رياضيات والمدرس مصري يوم دخل ابوي وراي بحمقيه وثورة غضب
قال المدرس المصري:أهلا أهلا يابو فهد
قال أبوي: أقول لايكثر انت بعد ترا ماني فاضي لك ولحقني وهو يقول هاج من المدرسه هااا؟؟
وانا أقول: والله ماأعودها والله ما أعودها يوم شال الكرسي ورماه علي أنا لحقت على روحي وهجيت يوم ظربت رجل الكرسي الجدار و(بنط)<<<<يعني أرتد الكرسي ورجع على المدرس المصري وضربه من راسه
وقال: المدرس آه آه معلش يابوفهد معلش والله ماتضربشي الولد خليه ده عيل صغير خليه عشان خطري أقبر بخاطري ربنا يقبر بخاطرك وأبوي كان مايسمع المصري
وطلع بعدها وأنا بقمة الخوف والمدرس بقمة الألم والوالد الله يطول عمره بقمة الغضب يوم طلع أبوي من الصف سحب الباب بكل قوته وكان المدرس يلحقه وبرضه ضرب الباب راس المدرس هههههههههههههههه
وكان يقول آه ههههه آه معلش يابوفهد معلش والله انه راجل حمش والطلاب ميتين ضحك عليه وانا أختلط عندي الضحك والخوف وأبوي وصل البيت والمصري ماسك راسه ويقول معلش معلش هههههههههههههههههه
وهذي ذكرياتي مع معاناتي ويا المدرسه والوالد والمدرسين هههههههههههههههههههههههههههههه
وأتمنى أني ماطولت عليكم لكن حبيت أرويلكم نص القصه بالتفصيل عشان تعيشون الحدث وكأنكم معانا
...
...
...
ولاحظوا / أنه التربيه مهما صارت قاسيه من الوالدين إلا أنه مقصودهم مصلحتنا وبجد يبغوننا الأفضل والله يلحقنا جزاهم
دنيا وآخره............................................. .....شراااااااااااااايكم فيني وأنا صغير
مشكورة يا غن غن على المرور
وأنتي أحلى
يوزري ( لأبد الآبدين)
يعني الى آخر شي ممكن أنه يصير بالوجود
لكن الرقم اللي بوسط الأسم شفرة والشفره مايفكها الا راعيها
خخخخخخخخخخخخخخخخخخخخخخخخخخخ
فتى ,, نسايم ,, سلطان
يسلمو على مروركم
ومشكورين وكفتني بسمتكم
على جنب// فتى مالقيت الا بالسطح والله من الحر
وشكل فطوركم دايم تونه
خخخخخخخخخخخخخخخخخخخخخخخخخخخخخخخ
مدارس موحشة لمن يجرؤ
اللي هي الشارع وأنا متجه للبيت لقيت الطامه الكبرى لقيت أبوي واقف قدامي وجها لوجه عند محل
العرض العادي
