مساء الخير
الدنيا فوراق .. فلا يستوي اللوح مع الذكي
ولا المصري الدافور مع المفهي الطبل لووول .
أيضا فوراق بالعيش والحياه ولكم بعضها مقطعه
تقطيع على 3 أجزاء وبادبل كبودكم بها .
هناك فروق او فرق بيننا نحن الخليجين وبين بقية
الدول العربيه باشياء كثيره ومتعدده .. منها العادات
التي تحكمنا.. ماذا نفعل نحن وماذا يفعلون هم ،،
من هذه الاشياء امورنا اليوميه ومانصادف بها من احداث
ومشاهد لاتمر بهم الا نادرا ان لم تكن معدومه لديهم
خذوا من هالامور اشياء قليله من بعض الفروق بيننا وبينهم :
بالنسبه لليوم لديهم من اول ماتصحى من النوم تصحى
بهدوء وتصحى وانت رايق 1000 ويمكن يكون استريو شغال
على موسيقى هادئه جدا .. ايضا الماما هناك تجي جنبك
عالسرير وتعطيك كلمتين حلوه وبوسه خفيفه تخليك
ترّوق مرره ايضا .. مش مثلنا يجونك برفس ويطفّون
المكيف ويفتحون الشباك تصلخ امك الشمس والحراره
لما تقوم غصبا عنك *2
عندهم تلقى فطور رايق وجلسه رايقه مع الاهل مع
الصباح تخليك تنفتح نفسك لبداية يوم جديد .. اما
عندنا .. تصحى والخشه كانها خشة جنّي وتقول وين
الفطور .. يردون علك .. مافيه فطور .. هذا اللي ناقص
اقطع نومي عشان وجهك واروح ازين لك فطور .. روح مر لك
بوفيه ولا مخبز وافطر ولا جعلك ما فطرت .. وتلقى واحد من
اخوانك او جيرانك جنبك مشغّل سامري من صباح الله
خير وخذ رقص وهز .. الحمد لله والشكر بس ههههههههههه .
هذا اذا صحيت ولقيت احد صاحي في البيت بعد
ههههههههههههههههههه .
ايضا المدراس عندهم رايقه وروعه وفيها تلاميذ اولاد
وبنات ( مختلط ) تداوم الصبح مرتب ونظيف تلقى ناس
مفتحه وحلوه قدامك .. تلتفت عالطالب اللي يمينك
بالصف تلقى رولا .. تلتفت يسارك تلقى رانيا ;( تقولك
يسعدلي هالصباح ما اجمله تخليك تنفتح نفسك
لكل شئ حتى لو ماكنت منتبه لشرح الاستاذ راح تجاوب
وتشارك وتكون الاول بالحضور ههههههههاااي .
مو هنا من تدخل الصف عندنا تلتفت يمين تلاقي
واحد ( خال ) اسمه مرزوق ويسارك واحد دب
ريحة فمه لو يشمها الكلب ( الله يكرمكم ) مات هههههه .
وثوب هالدب هذا وصخ 1000 واهله كانوا حاطين ثوبه
سفره للعشى حق امس *q
ومن تلتفت عليه تقوله صباح الورد يابو هاجوس يرد
عليك ويقولك اقول خذ دفتري بس وحللي الواجب حق
امسه تراني مافتحت الكتب من يومها هذا اذا
ماكان مخبي كتبه ودفاتره فوق المكيف حق الفصل ولا
بالطاوله هههههههههه .
ايه بالنسبه للطاولات حقت الفصول .. طاولاتهم هم
بلاستيك وجديده مرره وملوّنه لا هنا خشب وكل
طاوله اكل وشرب عليه الدهر ومكتوب عليها ذكريات
فلان او ابو فلان والفريق الفلاني طز والفريق
الفلاني عز .. وكل طاولات المدرسه محفّره بفرجال
علبة الهندسه #k
ايضا مدرسينهم اكثرهم بنات واتيكيت في فن
التعامل .. لو شافتك فهيّت شوي يمين او يسار
تجي يمك وتقول شو حبيبي في شي شاغل بالك ؟؟
هذا اذا ما رحت معها لغرفتها وجلست تهديك وتسولف معك .
هنا يدخل المدرس متأخر وداق اللطمه وياخذ اقرب
طبشوره طايحه بالارض من سنه ويكتب على
السبوره اقرا من ص 17 الى ص2400 عشان اسالكم
بعدها واشوف من مراجع فيكم ومن مافتح الكتاب امس
ههههههههههه واذا شافك سولفت مع واحد
منا ولا منا ولا فهيت شوي خذى اقرب شئ جنبه ..
طبشوره .. مساحه .. برايه كانت بطاولة الطالب
الاول بالصف وحذفك فيها بكل قوته على راسك وقال انتبه
ياولد وخلك معنا .. وهو اول الطلاب نايم وشكله دايخ
ولا ادري وين كان سهران امس والى الساعه كم وهو
برى البيت :D . افلقني اذا نجح احد بس ههههههه .
ايضا بالنسبه للغزل عندهم حلو مره .. وتتعرف على
البنت اللي تبي باي وقت بس تشوف اللي
يعجبك تكلمها وبنفس اللحظه توديك لاهلها بالبيت
وتقول هيدي صديقي الجديد بعرفكن عليه
وشوي توديك لغرفتها وتوريك وتفرجك على اشيائها
الخاصه من صور وتحف واشياء هيك وهيك ^_*
هنا تجلس تطارد ساعتين بكل شوارع المدينه تبي
تتعرف على هالملثمه وتدفع نص عمرك
ويمكن تتعرف عليها بس طلعه انسى .. جوال استقبل
دقه وتقفيله هع ومايمديك تقول لها كلمه
حلوه بالجوال ( والله ياحبيبتي احبك وانتي الدنيا
وانتي اهلي كلهم .. امي وابوي .. طاااااااخ ؟؟ وشبنا ؟؟
تقفل الجوال ؟؟ بعدين تقولك .. اسفه عيوني قفلت
لاني حسيت ان واحد كان ورى باب غرفتي
يتسمع .. ولا امي نادتني وانا فوق وهي تحت وخفت
تجي لغرفتي فوق وتشك فيني او تصيدني لا ومن حلاة
الوجه هبلت فيك العيون من ورى اللثمه بس يوم
شفت خشتها قلت ليتها جلست ملثمه احسن من اني شفت
هالخشه هههههههههههههه .
ولا من أول يوم تتعرف عليها تقولك من أول مكالمه الله
يعافيك مر وجيب لي بطاقة شحن أو سوا مره
وحده <=-- قويه صح لوووووووووول :D
هناك لما تشوف بنت تمشي بالشارع وحبيت
توصلها .. يانها بتركب معك يابتقول
لك مرسيه عيوني انا بستنى الميكرو او بستنى
رفيئي حيجي هلا ياخدني تروح وانت راضي وتضحك ،،
بس هنا لاشفت وحده تمشي وحبيت توصلها تفتح
الدريشه بس وتقول مساء الخير ممكن اوصلك
لاي محل تبينه .. ماتدري الا هي ماخذه اقرب حجر
من الارض وتسب وتقول ابو ابو ابو ابو ابو ابو ابو ابو وانت
دعست كل الدعسه ومن قوة الدعسه رجلك وصلت
للصدام حق السياره ووصلت لاخر الشارع وهي لسه
تسب وتلعن أأبو أأبو أأبو أأبو أأأأبووووك *i
زين اذا ماجابت العيد بسيارتك وصفقت لك قزازه ولا باب
حفرت امه لك هههههههههههه .
بالنسبه للأكل .. اكلهم حلو ورايق وكله فن واتيكيت
مش هنا يوم لحم ويوم دجاج واذا قفلت مع الاهل
من الطبخ قالوا اتصل الله مكثر المطاعم وكلها توصيل
طلبات باسرع وقت .. هناك الكبه .. والعجه .. والتبوله .
والسلطات قبل الاكل وكل شئ مرتب ومهضوووم
وظريف ( شئ زريف ) ،،
شائت الاقدار قبل كم يوم اروح لسوق الغنم هههههه
ولاول مره دائما يجنيي جاهز للبيت بس هالمره
مافيه الا انا وقالوا روح جب لنا وانت رجال يعتمد عليك
وبكره تفتح بيت ولا انت عارف تشتري خروف .. قلنا
اوكي خذيت سيارتي ورحت جهت سوق الغنم .. عرفت
اسعارهم .. وخذيت وحده جديده وربي قلت حرام
تنذبح هذي ودي اربيها عندي :D المهم جاء ربطها
من رجولها بسلك علاق ثياب كان طايح وقال
افتح الشنطه قلت هين افتح الشنطه تعال انت
اسحبها لما المصلخ وباعطيك اللي تبي .. اما اركبها
ورى وشوي وترفس سماعه ولا شئ ولا ترفس
الرفرف حق السياره تطلع رجلها من برا .
سحبها معي لما المصلخ وعطيته حقه وراح .. اول مادخلت
داخل الا واحد جنبي شنب .. وشنبه من اليمين يوقف
عليه الفيصيله ويسار برج المملكه من كبره
ههههههههه اول ماجلست قالي الذنبه كبيره وانا اخوك ؟؟؟
قلت احترم نفسك بس .. اقول الذنبه كبيره وراك
انت .. قلت هيه عيب واحترم نفسك اقولك ؟؟
قال انت وش ينقال لك ؟؟ قلت وش تقصد ؟؟ قال : انت
من اي لحيه .. قلت له اسمي كذا كذا .. قال ونعم والله
ولاتعرف تشري الغنم ؟؟ قلت ليه ؟؟ قال ذنبها كبير
وماتصلح تقدمها للضيوف يشرهون عليك وحتى تقطيع
ثلاجه ماتنفع هههههههههههههه قلت اهاه تقصد
ذنبة الخروف الله يرجك افكرك تقصد شئ ثاني
<=---------- وجهه حمّررر وشك بنفسـه وربي *a
اول ماقطعوها وحطوها بكيس ماجاء وزنها كيلوين مع انها
كانت كبيره قبل الذبح هههههههههههه شافتها امي
قالت الشرهه مو عليك على اللي ارسل خكاريه
يشترون غنم <=------------- تحطيم 1000 *o
تقولي امي وش هذا قلت يقول صاحبه نعيمي
بلدي .. ووراني سنونه يقول مابعد اثنى .. قالت شكله
بربري وكل امراض الدنيا فيه .. قلت يمه والله
جديد كان وابيض من برى وشكله كشخه مش مثل
الغنم الباقين كلهم وصخين هههههههه طالعت فيني
باستحقار قالت ماني قايله بس ؟؟؟؟؟
لو متصلين على مطبخ مو احسن ؟؟ لو مسوين سلطه
وكبه وعجه مو احسن ؟؟
تحياتي للجميــع وانتظروا الجـزء الثـانـي قريبـا ،،،
فـهـد
العرض العادي
