بصراحه مافكرت شلون بكتب هالموضوع او شلون أبدي فيه حتى ..
لكن فعلاً شي ما ينسكت عنه ... لما تشوف فنانه وصغيره بالسن بمكان عام وحوليها ( البودي قارد ) رفيجاتها ، بصوره لا يمكن أحد يتخيلها .. بمشيه صبيانيه ولبس شبابي وقصه سبايكي ودخان بيدهم .. ونظرات مالها داعي .. بجد احس ان الأنوثه متبريه منهم ..
طبعاً هذا المنظر شفناه تحديداً بتاريخ 3/4/2006 يوم الأثنين بالمدينة الترفيهيه وكان هذا اليوم مخصص فقط للبنات .. علشان جذي ماخذه راحتها الأخت شجون بالتدخين والتحرش بالناس ..
الموقف اللي خلاني أحط عنوان الموضوع بهالصيغه .. اهو ( هوشه ) طبعاً بين شجون وبين وحده من البنات اللي بالمدينه .. ( ومو أول مره شجون تتهاوش ) كل ماشوفها لازم تسوي شي .. مستحيل تمر بمكان وتخليه بهدوء مستحيييل ..
سبب الهوشه : نظرة احتقار من البنت لشجون .. بعد ماتحرشت شجون بالبنت ولاعطتها ويه .. ( بس نظره يعني البنت ما قالت شي )
انا ما ألوم البنت .. شايفه ولد مو بنت جدامها من حقها تستحقرها بهالنظره ..
عاد شوفوا شنو صار بعد هالنظره ..
شجون تحولت لـ ( مصارع ) مايشوف جدامه شي ... وطق بالمسكينه اهي والبودي قارد اللي معاها .. حسيت انهم من اللي يلعبون في كمال الأجسام والحديد وهالسوالف .. يعني حرام كسروها ...
المصيبه ان وحده من اللي مع شجون .. طلعت من جيبها ( سكين ) .. والبنت خلاص اغمى عليها لما شافتها مطلعتها ... راااااحت فيها .. ( اسلوب مجرمين ) مو بنااااااات
غير هذا .. واللي صدمني وخلاني ساعه كامله منصدمه وساكته من الصدمه ... الشتايم والسب اللي طلع من شجون !!!! جمل وعبارات وحركاااات ماتقولها بنت ولاااا حتى ووولد .. قله أدب مااشفت من هالبنت ... همجيه بالكلام ... خشنه بردودها ..
اختي مصوره اللي صار بالكامل بموبايلها .. كان ودنا نحطه بالمنتدى وتشوف الناس حقيقة هالفنانه اللي على مستوى اخلاقي لايحسد عليه .. بس البنت اللي متهاوشه معاها مالها ذنب ..
عن جد .. انا كنت مخدوعه فيها .. كنت اتخيل انها بنووته وذربه وحبوبه .. وتخيلت ان الأدوار اللي قدمتها كانت مجرد تمثيل ..
بس طلعت اهي صج جذي ... مافي انوثه بالمره ...
انا اسفه طولت ... لكن مادري فيني حره على اللي شفته منها ... وكتبته لكم ..
شجون ألهـــــــآجري وقلــــة أدبهآ !!!!!!!!!!!!
العرض العادي
