السلام عليكم ورحمة الله وبركاته
اقدم لكم من لوحاتي الشعرية هذه القصيدة متمنيا ان تنول على اعجابكم واستحسانكم
عهد الوصال
شفت في نور القمر صورة شجون=ارتعش جسمي وخاطرني سـؤال
هي قمر ولا القمر نـوره حنـون= اوشبه مــن بـيـنهـم ولا سجـال
هي غزال شاقني فيهـا العيـون= وادمنت عيني على ذيـك الغـزال
في صباح طلتـه نظـرة مـزون= صابني شـوقٍ اسميـه الخبـال
بعضهم قالواحبيبـك وش يكـون= قلت عنبر خالطـه زبـدة جمـال
في جوفها قلبن يموت ولا يخـون= وبراسها عقلن تدوخ بـه رجـال
كيف انااصبر من بعد ذيك الهتون= واشهد ان الحال من عقبه محال
لاتعـور قلبـي بثمـة ظـنـون= فارس احلامك عطى قلبـك دلال
لويهون الحـال عـزك مايهـون= ذيب امعط فعلتـه قـدر المقـال
دون زعلك يركب براسي جنـون= وفي رضاك لغاية احلامي منـال
رغم المسافة بيننا تكـل المتـون= لكن اني مواعدك وعـد الرجـال
ولو بقى بدربي موانع اوسجـون= حتى ولو هـم قيدونـي بالحبـال
ماهقيت ان الهجر عنـدك يمـون= لاتبيع اللي شرى يبغي الوصـال
مالت بقلبي على قلبـك غصـون=وارتوى قلبي من العشق الـزلال
وان طلبت الهجر اطلبلي المنـون=حتى تصدق قولتي عشقي خبـال
من بدايـت حبنـا ذابـت جفـون=وشوف جفني عاد جرحه لايـزال
انت بياع القلـوب وانـا الزبـون=ابشتري قلبـن يغطيـه الكمـال
هو بجوفك اكتبه باسمي واصون=حتى يكون فارس احلامي مثـال
الله يقربني على دربـك شجـون=يادمعة الاشوااق في حين الـزوال
وسلامتكم
العرض العادي
