انا ماخطيت في حقك ولكن الكلام عتااب
اعاتب والعتب كلمة تفسرها معانيها.....
اعاتب واحسب بهرجي اليا مني حكيت حسااب
وكلمة يستحي منها لسااني يبتدي فيها.....
حنا بدو اصلا بدو و عوايدنا نهز ارقااب
ولا نرضى نشوف الذل لو طالت لياليها.....
واذا انت من العتب تزعل علينا وتصك البااب
ترى ماني بقاصدها ولا ني فيك ناويها......
ولا ودي على الفرقا وقلبي داخلي مرتااب
اشوف ان الهوى خدعه واشوف القلب راضيها.....
واشوف ان الهوى فرقا مواليف وعناد احبااب
واشوف ان لجفا خطوه ولاني قادر اخطيها......
وقلبي لو عشق يخلص ولو طالت عليه رقااب
وتشهد له دروب الحب حاظرها وماضيها......
عشقنا والهوى حسره،مشينا والامل كذااب
بدنيا نابني منها قليلٍ من بلاويها.....
عرفت الحب من عمري صغير بالغرام وشااب
وقلبي للحبيب اكبر من الدنيا ومافيها.....
صحيح اني نويت ابعد ولكن الهوى غلااب
وهي رحلة بديت بها ولادري كيف بنهيها.....
تحريتك شروق الشمس وشفتك للشروق غيااب
ولا اضنك تبيع العشره اللي كنت شااريها.....
بقى لي بالهوى نظره وتغريبه ودمع اهدااب
وقصة بترك لساانك على العذال يرويها......
واناجي باقي حروفي والًف للفراق كتااب
قصاايد تملي اوراقي ارددها واغنيها......
واذا مرتني الذكرى وجرحي بالحشا ماطااب
بتبعدني الدنيا وببعدها وادنيها.......
وانا عيب علي اشكي من الدنيا بدون اسبااب
مدامي ماخذ منها يجيني يوم واعطيها.....
العرض العادي
