ياحبيبي فكرتي في وسط راسي كالعدام=مالها عندي وضوح ولا لها نور وسطوع
انحرجت من الورق وسطوره اللي بالتمام=وانحنى راس القلم واعلن لوجداني خضوع
وابتلش فكري وشبدا هوني ابدا بالسلام=والا ادوّر في بحور الشعر وانتقلي فروع
ياحبيبي شاعرك معاد يتبع لنظام=يشبع بطون القصايد لوها في حال جوع
ابدع بيوت الحكم لازان سمعي للامام=ذاك تنصتله جموع وصلت اخلافه جموع
الحقيقه لازم انها تشع من عقب الظلام=والحسود يموت ناره تاكله مثل الشموع
ابدع ابيوت العتاب ان كان طولت الخصام=وانا خلك ومحّبوبك ليه عن وصلي جزوع
ابدع بيوت الغزل من شان عينك يالغرام=حبرها دم العروق ودارها قلبٍ يفوع
قمت اشوف انك تبسم بالغزل زان الكلام=وارتختلي عينك اللي كنها عين الطلوع
علميني شتغزل لعنبو جد الهيام=والله اني هايمٍ من هامتي لقصى الجذوع
ياحبيبي من يشوفك وان تلعثم ما يلام=يحرم عيونه ترامش لو تغارقها الدموع
خايفٍ عينه ترامش ثم تغيب ام الوشام=عزتيله شوف عيني مركيّن خده بكوع
انت يبغيلك قصيده كنها وبل الغمام=ماتحملها الحناجر من ربوع ٍ للربوع
يعني يبغيلي اسبوعن كاملن مابه منام=هذا وصفك في نقابك كيف لاصرتي فروع
الخصر يبغي شهر مع خمسة شهور القوام=والحكي يبغي سنه فديت هرجك يالسلوع
يعني وصفك يتعب اظلوعي يخليها ركام=عقبها تعزيك فيني الحبايب والربوع
ياحبيبي كان تبغى الحق ذا مسك الختام =انك اول من وصل للقلب من بين الضلوع
يسلمووووووووو وعوافي يارب على القصيده ياراعي الرنج لاهنت عليها فالك المليون
دمت بود.......فزوووو
العرض الشجري
